Желдей учуп келип аялды сүздү. ГЭС-2 аймагындагы жол кырсыгынын видеосу

© Sputnik / Наталья Селиверстова / Медиабанкка өтүүЖолдогу автоунаалар. Архив
Жолдогу автоунаалар. Архив - Sputnik Кыргызстан
Жазылуу
ЖКККБнын алдын ала маалыматы боюнча, айдоочу мас абалында руль башкарып бараткан. Каза болгон аял 48 жашта болчу.

БИШКЕК, 10-мар. — Sputnik. Аламүдүн районунун ГЭС-2 аймагында жол четинде турган аялды унаа коюп кетип, каза болду. Бул тууралуу күбө кабарлады.
Аталган кырсыктын видеосу Oppa.kg Instagram баракчасына жарыяланган. Кадрдан машина өтө катуу ылдамдык менен келип, жол четинде турган аялды ыргыта сүзгөнүн көрүүгө болот.

Посмотреть эту публикацию в Instagram

Публикация от Oppa (@oppa_kg)

Чүй облустук жол кыймылы коопсуздугун камсыздоо башкармалыгынын маалымат кызматы бул кырсык кечээ, 9-мартта, саат 6.00 чамасында болгонун билдирди.

"Toyota Ist үлгүсүндөгү автоунааны 27 жаштагы жаран башкарып бара жаткан. Ал 48 жаштагы аялды коюп кеткен. Аял жеринде мерт болгон", — деп айтылат маалыматта.

Адам өмүрүнө забын болгон айдоочу кармалып, Аламүдүн райондук милициясы ишти иликтеп жатат. ЖКККБнын алдын ала маалыматы боюнча, айдоочу мас абалында болгон.

Жаңылыктар түрмөгү
0