Коррупциялык схема ачыкталды. УКМК салыкчылар менен Финполдун өкүлдөрүн кармады

© AP Photo / Moises CastilloКишенделген адам. Архив
Кишенделген адам. Архив - Sputnik Кыргызстан
Жазылуу
Улуттук коопсуздук мамлекеттик кызматы Евразия экономикалык бирикмесине мүчө өлкөлөрдөн республикага мыйзамсыз товар киргизип турган туруктуу коррупциялык схеманын бетин ачты.

БИШКЕК, 21-фев. — Sputnik. Кыргызстанда Экономикалык кылмыштуулукка каршы күрөшүү мамлекеттик кызматы (Финпол) менен Салык мамлекеттик кызматынын өкүлдөрү кармалды. Бул тууралуу УКМКдан кабарлашты.

Министр транспорта и дорог КР Жанат Бейшенов - Sputnik Кыргызстан
Сөзсүз президент айтыш керекпи? Транспорт министрине иштен кетүү сунушталды
Ведомствонун маалыматына караганда, 20-февраль күнү Евразия экономикалык бирикмесине мүчө өлкөлөрдөн республикага мыйзамсыз товар киргизип турган туруктуу коррупциялык схеманын бети ачылган.

УКМКдан билдиришкендей, Финполдун аймактык бөлүмүнүн жетекчилеринин бири Б.У.Р. менен Салык кызматынын А.С.М. аттуу жооптуу кызматкери колго түштү. Алар 2019-жылдан бери товарларды Кыргызстанга тоскоолдуксуз киргизип бергени үчүн акча алып турушкан деп шектелүүдө.

Эки кызматкер тең УКМКнын тергөө абагына киргизилип, Кылмыш-жаза кодексинин 319-беренеси («Коррупция») боюнча сотко чейинки өндүрүш башталды.

Жаңылыктар түрмөгү
0