23:00 09 Чын Куран 2020
Түз эфир
  • USD77.8000
  • EUR84.5647
  • RUB1.0428
Окуялар
Кыскача шилтеме алуу
1062 0 0

Улуттук коопсуздук мамлекеттик кызматы Евразия экономикалык бирикмесине мүчө өлкөлөрдөн республикага мыйзамсыз товар киргизип турган туруктуу коррупциялык схеманын бетин ачты.

БИШКЕК, 21-фев. — Sputnik. Кыргызстанда Экономикалык кылмыштуулукка каршы күрөшүү мамлекеттик кызматы (Финпол) менен Салык мамлекеттик кызматынын өкүлдөрү кармалды. Бул тууралуу УКМКдан кабарлашты.

Ведомствонун маалыматына караганда, 20-февраль күнү Евразия экономикалык бирикмесине мүчө өлкөлөрдөн республикага мыйзамсыз товар киргизип турган туруктуу коррупциялык схеманын бети ачылган.

УКМКдан билдиришкендей, Финполдун аймактык бөлүмүнүн жетекчилеринин бири Б.У.Р. менен Салык кызматынын А.С.М. аттуу жооптуу кызматкери колго түштү. Алар 2019-жылдан бери товарларды Кыргызстанга тоскоолдуксуз киргизип бергени үчүн акча алып турушкан деп шектелүүдө.

Эки кызматкер тең УКМКнын тергөө абагына киргизилип, Кылмыш-жаза кодексинин 319-беренеси («Коррупция») боюнча сотко чейинки өндүрүш башталды.

Тема боюнча

"Тазалыктын" башкы бухгалтери жана эки оператору камакка алынды
УКМК 50 миң сом пара алып жаткан "Ошэлектр" ишканасынын эки кызматкерин кармады
Белгилер:
тергөө, абак, УКМК, коррупция, Кыргызстан

ЭҢ МААНИЛҮҮ