Өзгөндө өз ымыркайын беш миң долларга соодалаган келин кармалды

© Sputnik / Табылды КадырбековДетская соска на национальной валюте. Архивное фото
Детская соска на национальной валюте. Архивное фото - Sputnik Кыргызстан
Жазылуу
Шектүү келиндин баш коргоо чарасы каралып, ден соолугуна байланыштуу үй камагына чыгарылды. Ал эми ага жардам берген аяш энеси эки айга камалды.

БИШКЕК, 24-янв. — Sputnik. Ош облусунун Өзгөн районунда жаңы төрөлгөн баласын беш миң долларга сатууга аракет жасаган келин кармалды. Бул тууралуу облустук милициядан билдиришти.

Маалыматка караганда, 20-январь күнү укук коргоочуларга Өзгөн районундагы төрөт үйүндө азиат тектүү аял ымыркайын сатып пайда көрүүнү көздөп жатканы боюнча билдирүү түшкөн.

"Тергөө амалдарынын натыйжасында эки баласы бар 23 жаштагы К.К. жана анын 45 жаштагы мурда соттолгон А.Э. аттуу аяш энеси жаңы төрөлгөн эркек баланы 5000 долларга соодалашып жаткан жеринен колго түштү", — дешти милициядан.

21-январь күнү эки шектүү Кара-Суу райондук ички иштер бөлүмүнүн убактылуу кармоочу жайына киргизилген. Кийин баш коргоо чарасы каралып, К.К. ден соолугуна байланыштуу үй камагына чыгарылса, А.Э. эки айга камакка алынган.

Жаңылыктар түрмөгү
0