15:32 21 Аяк оона 2020
Түз эфир
  • USD79.0444
  • EUR93.7348
  • RUB1.0535
Окуялар
Кыскача шилтеме алуу
327 0 0

К.Д. аттуу жаран Кылмыш-жаза кодексинин төрт беренеси боюнча шектелип 2018-жылдын 21-апрелинде кармалган.

БИШКЕК, 14-янв. — Sputnik. Жалал-Абад шаарында төрт берене боюнча соттолуп жаткан укук коргоо органдарынын мурдагы кызматкери өз жанын кыйды. Бул тууралуу облустук милициянын маалымат кызматы кабарлады.

Билдирмеге караганда, 14-январь күнү саат 08:30да Жалал-Абад шаардык милициясынын убактылуу кармоочу жайында кармалып турган шектүүнүн сөөгү табылган.

"К.Д. аттуу 43 жаштагы соттолуучу убактылуу кармоочу жайдын камераларынын биринде жалгыз отурган. Ал бир нече кылмышка шектелип 2018-жылдын 21-апрелинде кармалган болчу", — деп айтылат маалыматта.

Аталган факты Кылмыштардын жана жоруктардын бирдиктүү реестрине катталып, сотко чейинки өндүрүш иши ачылган. Соттук-медициналык экспертиза да дайындалган. Учурда тергөө иштери менен катар кызматтык иликтөө жүргүзүлүп жатат.

Милициянын билдиргенине караганда, өз жанын кыйган жаран Жалал-Абад шаарынын тургуну болгон. Ал 2002-2006-жылдары укук коргоо органдарында иштеп, жасаган кемчиликтери үчүн жумуштан алынган.

Ал Кылмыш-жаза кодексинин төрт беренеси боюнча шектелип, шаардык сот тарабынан 7 жылга кесилген. Ошондой эле үй-мүлкү конфискацияланган. Андан соң жактоочусу жогорку инстанцияга даттанып, учурда иш Жалал-Абад облустук сотунда каралып жаткан.

Күч түзүмдөрүнүн мурдагы кызматкерине төмөнкү беренелер боюнча кылмыш иши козголгон:

  • 350-берене — Документтерди, мамлекеттик сыйлыктарды, штамптарды, мөөрлөрдү, бланктарды колго жасоо, даярдоо, сатуу же пайдалануу (жасалмасын);
  • 241-берене — Ок атуучу куралдарды, ок-дарыларды, жарылуучу заттарды жана жардыргыч түзүлүштөрдү мыйзамсыз алуу, берүү, өткөрүү, сактоо, ташуу же алып жүрүү;
  • 246-берене — Башкага берүү максатын көздөбөстөн баңги каражаттарын же психотроптук заттарды мыйзамсыз даярдоо, сатып алуу, сактоо, ташуу же жөнөтүү;
  • 168-берене — Каракчылык.

Тема боюнча

Ноокенде киши колдуу болгон милиционер. Шектүүнүн баш коргоо чарасы тандалды
Белгилер:
сот, милиция, өлүм, кызматкер, Күч түзүмдөрү, Жалал-Абад облусу

ЭҢ МААНИЛҮҮ