14:12 25 Бирдин айы 2020
Түз эфир
  • USD69.8500
  • EUR75.6266
  • RUB1.0863
Окуялар
Кыскача шилтеме алуу
1577 0 0

2010-жылы 4-январда Чаткал районунун Кызыл-Токой айылындагы Касансай дарыясындагы көпүрөнүн алдынан жашы болжол менен 45-50 курактагы азиат тектүү эркек кишинин сөөгү табылган.

БИШКЕК, 24-дек. — Sputnik. Жалал-Абад облустук милициясы 2010-жылы жасалган кылмыштын бетин ачкандыгын аталган милициянын маалымат кызматы билдирген.

2010-жылы 4-январда Чаткал районунун Кызыл-Токой айылындагы Касансай дарыясындагы көпүрөнүн алдынан жашы болжол менен 45-50 курактагы азиат тектүү эркек кишинин сөөгү табылган. Анын колу-буту байлануу болгон.

Ыкчам иликтөө иштери жүргүзүлгөнү менен маркумдун ким экени аныкталбагандыктан кылмыш иши өндүрүштөн убактылуу токтотулган.

Бирок 2019-жылдын 9-сентябрында иш жандандырылып, сотко чейинки иликтөө иштери башталган.

Алынган оперативдик маалыматтын негизинде маркум Ала-Бука районунун 1972-жылы туулган тургуну Мухтар Инамов экендиги такталган. Анын сол далысындагы кылычтын сүрөтү тартылган татуировкасынан жана маңдайындагы эки даана сары металл тишинен апасы менен карындашы тааныган.

Маркумдун 1975-жылы туулган А.Б. аттуу энелеш иниси шектүү катары карала баштаган.

"Ыкчам иликтөө иштери учурунда шектүү А.Б. мас болуп 2009-жылдын ноябрь айынын орто ченинде Ала-Бука районунун Ала-Бука айылында өзүнүн бир тууган агасы 1972-жылы туулган Мухтар Инамовдун колу-бутун жип менен байлап, денесине бир нече жолу койгулап, тепкилеген. Андан кийин "Москвич" үлгүсүндөгү автоунаасынын багажына жүктөп алып, жолдо бара жатканда автоунаанын арткы багажнигинен тепкилеген үндү угуп ал токтогон. Багажникти ачканда агасынын кыймылсыз жатканын көрүп, кылмышты жаап-жашыруу максатында сөөгүн Чаткал районунун Терек-Сай айылындагы чоң сайга алып барып, анын мойнуна таш байлап, чөктүрүп жиберген. Андан кийин окуя болгон жерден качып кеткен", — деп айтылат маалыматта.

Тергөөнүн жүрүшүндө А.Б. жасаган кылмышын толугу менен мойнуна алган. Шектүү соттун чечими менен эки айга камакка алынды.

Учурда сотко чейинки иликтөө ишинин алкагында тергөө жүргүзүлүүдө.

Тема боюнча

Прокуратура: Бишкекте үй деген документ менен 4 кабаттуу мейманкана ишке берилген
Суусамырда малчыны өлтүрүп, дөңгөлөк менен бастырып койгон. Шектүү кармалды
Сөөгү 4 жылдан кийин табылып... Атасын короого көмүп салган кишиге өкүм чыкты
Белгилер:
милиция, Жалал-Абад, кылмыш иши, шектүү

ЭҢ МААНИЛҮҮ