БИШКЕК, 26-ноя. — Sputnik. Милиция "ЭкоИсламикБанкынын" филиалынын тонолушу боюнча сотко чейинки тергөө амалдарын баштады. Бул тууралуу Бишкек шаарынын Октябрь райондук милициясынын маалымат кызматы билдирди.
Ага ылайык, Кылмыш-жаза кодексинин 202-беренеси ("Карактоо") боюнча тергөө башталды.
Маалыматка караганда, окуя бүгүн эртең мененки саат 8:47де болгон. Ал эми милицияга саат 9:17де кабар түшкөн. Банктын филиалы 6-кичирайондо, Сухэ-Батор менен Юнусалиев көчөлөрүнүн кесилишинде жайгашкан.
Эки киши банктын филиалына кирип барып күзөтчүнү сабап, тапанчасын тартып алышкан. Андан соң кассадагы акчаны алып качып кетишкен.
