19:36 19 Бирдин айы 2020
Түз эфир
  • USD69.8489
  • EUR75.4648
  • RUB1.0967
Окуялар
Кыскача шилтеме алуу
9452 0 0

Уруп-сабалган аялдын сөөгү 23-ноябрь күнү болжол менен саат 10.30дарда Кулунду — Жаңы-Жер автотрассасынан 80 метр алыс жерден табылган.

БИШКЕК, 23-ноя. — Sputnik. Укук коргоо органдары Лейлек районуна караштуу Жаңы-Жер айыл аймагынан табылган сөөктү таанууга жардам сурап кайрылганын Баткен облустук милициясынан кабарлашты.

35-40 жаштар чамасындагы таякталган аялдын сөөгү ишемби күнү, 23-ноябрда, болжол менен саат 10.30дарда Кулунду — Жаңы-Жер трассасынан 80 метр алыс жерден табылган. Аялдын муунтулуп, мууздалганы аныкталды. Соттук-медициналык экспертизанын алдын ала берген жыйынтыгына ылайык, аял үч күн мурда каза тапкан.

Аталган факт Кылмыш-жаза кодексинин 130-беренесинин ("Адам өлтүрүү") негизинде Кылмыш жана жоруктардын бирдиктүү реестрине каттоого алынып, тиешелүү экспертизалар дайындалды.

Аял капюшону бар кызыл куртка, көк түстөгү свитер, кара лосина жана кара бут кийим кийип жүргөн. Сол колунун ортонунан сары металлдан жасалган кызыл көздүү шакек табылган. Мындан тышкары, ачык кызыл түстөгү сөйкө тагынып жүргөнү маалым болду. Чөнтөгүнөн 25 миң тажик сомоний чыккан.

Баткен облустук милициясы маркумду таанып-билгендер болсо Лейлек РИИБине, облустук ички иштер башкармалыгына маалымдап же 102 номери аркылуу кабарлап коюуну өтүнөт.

Тема боюнча

Беловодскиде үй өрттөнүп, 89 жаштагы абышка каза болду
Аэропорттон табылган сөөк. ИИМ дагы бир шектүүнүн сүрөтүн жарыялады
Белгилер:
ур-токмокко алуу, маркум, трасса, милиция, Лейлек району, аял

ЭҢ МААНИЛҮҮ