11:14 21 Үчтүн айы 2020
Түз эфир
  • USD69.7130
  • EUR77.3082
  • RUB1.1342
Окуялар
Кыскача шилтеме алуу
233 0 0

УКМК кармалган адамдардын сүрөттөрүн жарыялап, жабыркагандар болсо ишеним телефондору аркылуу кабарлап коюуну өтүнөт.

БИШКЕК, 28-окт. — Sputnik. Бишкек шаарында өзүн УКМКга караштуу Коррупцияга каршы күрөшү кызматынын бөлүм башчысы жана кызматкери катары тааныштырып, ишкерден акча опузалаган Б.А. жана И.М. аттуу жарандар кармалды. Бул туурасында УКМКнын маалымат кызматы кабарлады.

Билдирмеге караганда, кармалган кишилер атайын кызматта иштебейт, алар мындай алдамчылык менен ишкерден акча өндүрүүнү каалашкан. 

В Бишкеке задержали двоих мужчин, которые угрожали бизнесмену проверками, представляясь сотрудниками Антикоррупционной службы Госкомитета национальной безопасности (АКС ГКНБ)
© Фото / пресс-служба АКС ГКНБ
Шектүүлөр
"Б.А. менен И.М. борбор калаадагы Ш.А. аттуу жеке ишкердин ишмердүүлүгүн текшеребиз деп коркутуп, 2000 доллар талап кылышкан. Алар каражаттын 1000 долларын алып жатканда УКМКнын Коррупцияга каршы күрөшүү кызматы тарабынан кармалды", — деп айтылат маалыматта.

Колго түшүрүлгөндөр убактылуу кармоочу жайга киргизилди. Сотко чейинки өндүрүштүн материалдары Кылмыш-жаза кодексинин 203-беренесинин 2-бөлүмү ("Опузалап талап кылуу") боюнча Кылмыш жана жоруктардын бирдиктүү реестрине катталган.

Азыркы учурда УКМКнын Башкы тергөө башкармалыгы тарабынан тиешелүү тергөө иштери жүрүп жатат.

УКМК аталган фактылар боюнча кармалган адамдардын сүрөттөрүн жарыялап, жабыркагандар болсо 0312 660475, 0312 626504 ишеним телефондору аркылуу кабарлап коюуну өтүнөт.

Тема боюнча

Таласта майыптардан пара алып жүргөн дарыгерлер кармалды. Видео
Белгилер:
кармоо, опузалоо, алдамчылык, УКМК

ЭҢ МААНИЛҮҮ