Бишкекте кишилерди катуу сабагандар кандай жазага тартылышы мүмкүн

© Sputnik / Табылды КадырбековКомплекс корпусов для содержания заключенных ПЛС в Молдовановке
Комплекс корпусов для содержания заключенных ПЛС в Молдовановке - Sputnik Кыргызстан
Жазылуу
Эгер сот шектүүлөрдү күнөөлүү деп тапса, эң аз дегенде 10 жылга кесилет.

БИШКЕК, 6-сен. — Sputnik. Бишкекте балдарды чала жан кылып сабаган шектүүлөр  Жаныбек Бапышев менен Калысбек Сеитбековдун күнөөсү аныктала турган болсо 10 жылдан тарта өмүр бою абакка чейин кесилиши ыктымал. Бул тууралуу Бишкек ШИИБдин башчысы Канат Жумагазиев маалымат жыйында айтты.

Алар Кылмыш-жаза кодексинин 39-130-беренелери ("Адам өлтүрүүгө аракеттенүү") менен соттолот.

Шектүүлөр 6-сентябрда милицияга өзүлөрү келишкен.

Сотрудник милиции города Бишкек - Sputnik Кыргызстан
ШИИБ: балдарды аёосуз сабагандар менен иштен алынган милиционер бир тууган
Эске салсак, 28-августта болжол менен саат 7:00дөр чамасында Бишкек ШИИБге Жал кичи районундагы супермаркеттин жанында кишилердин мушташып жатканы кабарланган. Жерине Милициянын кайгуул-күзөт кызматынын төртүнчү ротасынын кызматкерлери барган. Мындан сырткары, Чүй ОИИББдин кызматкери Казыбек Бапышев дагы келип, эки шектүүнү алып кеткен. Жабырлануучулар болсо ооруканага жеткирилген.

Адамдарды сабоо фактысы боюнча Бапышев Жаныбек Сеитбекович менен Сеитбеков Калысбек Сеитбекович изделип жаткан болчу.

Ал эми шектүүлөрдүн бир тууганы, милициянын майору Казыбек Бапышев иштен алынып, бир нече милиция кызматкерине кылмыш иши козголгон. Мындан сырткары, милициянын эки кызматкери иштен алынып, дагы экөө катуу сөгүш алган.

Кийинчерээк шектүүлөр Кыргызстандан чыгып кетүүгө аракет кылганы аныкталган.

Виджет news
Жаңылыктар түрмөгү
0