12:16 21 Жетинин айы 2019
Түз эфир
  • USD69.8500
  • EUR77.2506
  • RUB1.0910
Милиция кызматкерлери. Архивдик сүрөт

Мыкаачылык менен сабалган эркектер. Милиционерлердин аракети видеодо

© Sputnik / Табылды Кадырбеков
Окуялар
Кыскача шилтеме алуу
Бишкекте чала жан сабалган кишилер (28)
386811

Окуя болгон жерге келген милиция кызматкерлери машинадан түшүп, шектүүлөр менен учурашып, ээн-эркин сүйлөшүп жатканы видеого тартылып калган.

БИШКЕК, 3-сен. — Sputnik. "Короче" Телеграмм-каналына Бишкекте мушташ болгон жерге келген милиция кызматкерлеринин алгачкы аракеттери тартылган видео жарыяланды.

Тасмада окуя болгон жерге келген милиция кызматкерлери машинадан түшүп, токмок жеп жерде жаткан жаранга көңүл бурбай, шектүүлөр менен учурашып, ээн-эркин сүйлөшүп жатканын көрүүгө болот. Андан кийин машина окуя болгон жерден кетип калган.

Милиция кызматкерлеринин бири Казыбек Бапышевге карата кызматтык тергөө башталды.

Буга чейин кабарлангандай, Чүй облустук ИИББдин кызматкери Бишкекте кишилерди чала жан кылып сабагандарды кылмыш болгон жерден алып кеткени кабарланган.

Ленин райондук прокуратурасы 28-августта саат 7:00дөр чамасында Жал кичи районундагы супермаркеттин жанында кишилердин мушташып жатканы боюнча билдирүү түшкөнүн маалымдады.

Окуя болгон жерге №479 экипаж чыгып кеткен. Алардын катарында милициянын Кайгуул-күзөт кызматынын төртүнчү ротасынын кызматкерлери болгон.

"Андан сырткары, окуя болгон жерге Чүй ОИИБдин Б.К. аттуу кызматкери да келген. Ал кызмат абалынан кыянаттык менен пайдаланып, Б.Ж. менен С.К. аттуу шектүүлөрдү кылмыш болгон жерден алып кеткен", — деп айтылат маалыматта.

Аталган факты боюнча Кылмыш-жаза кодексинин 320 ("Кызмат абалынан кыянаттык менен пайдалануу") жана 348-беренелери ("Кылмышты жашыруу") боюнча кылмыш иши козголду. Тергөө амалдары жүрүп жатат.

Социалдык тармактарда мушташтын видеосу да тарады.

1985-жылы туулган Бапышов Жаныбек Сейитбекович менен 1999-жылы туулган Сейитбеков Калысбек Сейитбекович издөөгө алынды.

Тема:
Бишкекте чала жан сабалган кишилер (28)

Тема боюнча

Экөөнүн тең абалы оор. Министрлик Бишкекте сабалгандар боюнча маалымат берди
Бишкекте кишилерди чала жан кылып сабагандарды милиционерлер алып кеткен
Эркек кишинин катуу сабалып жаткан видеосу тарады. Бишкектеги окуя
Белгилер:
Прокуратура, милиция, шектүү, видео, мушташ, Бишкек

ЭҢ МААНИЛҮҮ