13:07 27 Үчтүн айы 2020
Түз эфир
  • USD69.8443
  • EUR77.1640
  • RUB1.1301
Окуялар
Кыскача шилтеме алуу
442 0 0

Эки окуя тең дээрлик бир убакта Лейлек менен Баткен райондорунда болгон.

БИШКЕК, 24-авг. — Sputnik. Кыргыз-тажик чек арасында эки окуя болду. Биринчисинде, чек арачылар эскертүү берүү үчүн асманга ок чыгарган. Бул тууралуу Мамлекеттик чек ара кызматынан кабарлашты.
Лейлек районундагы Жаңы-Жер айыл өкмөтүнө караштуу Тажикстан менен чектешкен Борбордук айылында 24-август күнү, саат 15.30да эки өлкө жарандары ортосунда чуу чыккан.

“Тажикстандын 15-20дай жараны алардын үйү чек аранын такталбаган аймагында жайгашканын айтуу менен Жаңы-Жердин жашоочусунан тосмо курууну токтотуусун талап кылышкан”, - деп айтылат маалыматта.

Натыйжада тосмонун ээси менен тажикстандыктардын ортосунда пикир келишпестик чыккан. Ызы-чууну алдын алуу үчүн жерине Кыргызстандын чек арачылары менен укук коргоочулары келсе, тажикстандыктар аларды таш менен уруп кол салган.

Чек арачылар конфликт чоң чууга айланып кетпесин деп абага эки ирет эскертүүчү ок чыгарганда гана тажикстандыктар өз аймагына качкан.

Экинчи окуя саат 15.40та Баткен районундагы Көк-Таш айылында болгон. Тажикстандын Исфара районундагы Хожа – Аъло айылынын тургундары Аксай – Көк-Таш жолунун курулушуна нааразы болуп чыгышкан. Бирок тажик тараптан түшүндүрүү иштери жүргүзүлгөндөн кийин тарап кетишкен.

Учурда чек арадагы абал туруктуу.

Тема боюнча

Жээнбеков Чолпон-Атада Рахмон менен жолукканда эмне деди? Жолугушуунун сүрөтү
Кыргызстан менен Өзбекстанды эмне байланыштырып турат. Саресеп
Белгилер:
Тажикстан, чек ара, Кыргызстан

ЭҢ МААНИЛҮҮ