21:38 16 Тогуздун айы 2019
Түз эфир
  • USD69.8500
  • EUR77.0865
  • RUB1.0855
Акча каражаттары. Архив

УКМК: Токмок прокурорунун жардамчысы кытай жаранынан 15 миң доллар опузалаган

© Sputnik / Виталий Тимкив
Окуялар
Кыскача шилтеме алуу
192 0 0

Арызды ири ишканада иштеген Кытай жаранынын жубайы жазган.

БИШКЕК, 15-авг. — Sputnik. Коррупцияга каршы күрөшүү кызматы Токмок шаарынын прокурорунун улук жардамчысын пара алып жаткан жеринен кармады. Бул туурасында УКМКнын маалымат кызматы билдирди.

Ал ири ишканада иштеген кытайлык кишиден пара опузалап жатканы боюнча УКМКнын тергөө кызматына 13-августта арыз түшкөн. Бул боюнча Жазык кодексининин 326-беренеси ("Пара талап кылуу") боюнча сотко чейинки өндүрүштүк иш ачылган.

"Прокурордун К.Т. аттуу улук жардамчысы Токмоктогу ири өнөр-жай ишканасынын кызматкери М.Т. менен жең ичинен сүйлөшүп, 15 миң доллар талап кылган. Болбосо А.К. аттуу аялдын (арыз жазган адам) Кытай жарандыгы бар күйөөсүн кылмыш жоопкерчилигине тартарын айтып коркуткан. Алар Кыргызстандын аймагына кыймылдуу жана кыймылсыз мүлктү мыйзамсыз алып киргенин бетине кармаган. Эгер пара бербесе материалдарды тергөө органдарына берип, чет элдик жаранды депортациялай турганын айткан", — деп айтылат маалыматта.

Кечээ, 14-августта, УКМКнын Коррупцияга каршы күрөшүү кызматы Башкы прокуратуранын ички иликтөө бөлүмү менен биргеликте К.Т. макулдашылган паранын 3000 долларын алып жаткан жеринен колго түшүргөн. Ага кошо ортомчулук кылган ишкананын кызматкери М.Т. да кармалган.

Шектүүлөр УКМКнын убактылуу кармоочу жайына киргизилди. Ыкчам тергөө иштери жүрүп жатат.

Тема боюнча

УКМК Токмок шаарынын прокурорунун жардамчысын кармады
Чөнтөктөн чыккан доллар. УКМК Абдыкалык Рустамовдун кармалган видеосун таратты
Белгилер:
опузалоо, пара, кармоо, УКМК

ЭҢ МААНИЛҮҮ