КСДП өкүлдөрү Алга Кылычев менен Амантур Жамгырчиев кармалды

© Фото / пресс-служба фракции СДПКЛоготип фракции СДПК
Логотип фракции СДПК - Sputnik Кыргызстан
Жазылуу
Кой-Таштагы окуя боюнча Атамбаевдин тарапташтары суракка чакырылууда.

БИШКЕК, 10-авг. — Sputnik. УКМК кызматкерлерин барымтага алуу жана массалык башаламандыкты уюштурууга шектелип КСДП штабынын өкүлдөрү Алга Кылычев менен Амантур Жамгырчиев кармалды. Бул туурасында ИИМдин маалымат кызматы кабарлады.

Жарадар аскерди жаалданган элден сууруп чыгып... Кой-Таштан репортаж - Sputnik Кыргызстан
Кой-Таштагы жаалданган элдин ичинен уулун таппай... Жүрөк тилген видеорепортаж
Билдирүүгө ылайык, ИИМдин Тергөө кызматы Кой-Таштагы окуялар боюнча сотко чейинки өндүрүштүн алкагында мурдагы президент Алмазбек Атамбаевдин бир нече тарапташын суракка чакырып жатат. Ал эми Кылычев менен Жамгырчиев Бишкек ШИИБдин убактылуу кармоочу жайына киргизилди.

Белгилей кетсек, кечээ, 9-августта, Кой-Таштагы окуялар боюнча Атамбаевдин үзөңгүлөштөрү — Жогорку Кеңештин депутаттары Ирина Карамушкина, Асел Кодуранова жана экс-депутаттар Равшан Жээнбеков, Мээрбек Мискенбаев суракка чакырылган. КСДП төрагасынын орун басары Фарид Ниязов Бишкек ШИИБдин убактылуу кармоочу жайына киргизилген. Алмазбек Атамбаев болсо 26-августка чейин УКМКнын тергөө абагына камалды.

Ал эми мурдагы президентке таандык "Медиа-Форум" АК жана "Апрель ТВ" телеканалынын мүлкү камакка алынган. Мындан улам аталган телеканал ишин токтотту.

Жаңылыктар түрмөгү
0