05:20 17 Тогуздун айы 2019
Түз эфир
  • USD69.8500
  • EUR77.0865
  • RUB1.0855
Местные жители и сотрудники МВД на кыргызско-таджикской границе в Баткенской области

Баткенде милиция элге ок чыгардыбы? Расмий жооп

© Фото / Зульфия Тургунова
Окуялар
Кыскача шилтеме алуу
Кыргыз-тажик чек арасындагы жаңжал (22)
1374 0 0

Тартип сакчылары жолду ачуу максатында атайын үн чыгаруучу каражаттарды колдонгону тастыкталды.

БИШКЕК, 24-июл. — Sputnik. Учурда социалдык тармактарда "кыргыз милициясы Ак-Сай элине күч колдонуп, ок чыгарды" деген тариздеги видеолор тарап жатат. Анда жергиликтүү тургундар денесине желим ок тийгенин көрсөтүп, өз милициясы аткылаганына нааразы болгон.

Бул боюнча Баткен облустук милициясы комментарий берди. Маалыматка ылайык, 24-июлда эртең мененки саат 6.00дөр чамасында Ак-Сайдын тургундары айылды кесип өткөн Ак-Сай — Ворух автоунаа жолун жыгачтар менен тосуп, машиналарды өткөрбөй коюшкан.

"Болжол менен саат 11:45те Ак-Сай айылында коомдук коопсуздукту карап жүргөн милиция кызматкерлери жолду ачуу боюнча түшүндүрүү ишин жүргүзүү үчүн барган. Ошол маалда бирөө "КамАЗ" үлгүсүндөгү жүк ташуучу унааны айдап келип, жолдун ортосуна шагыл төгүп салган. Анын мыйзамсыз аракетине бөгөт коюуга аракет кылган милиционерлерге айылдын тургундары жапырт таш ыргыта башташкан. Кыйкырып-өкүрүп баш ийбей коюшкан. Мунун кесепетинен үч милиция кызматкери жаракат алды", — деп айтылат маалыматта.

Акыры тартип сакчылары жолду ачуу максатында баш аламандыкта колдонулуучу адам өмүрүнө коркунуч жаратпай турган граната колдонуп, айыл тургундарын жолдун четине сүрүп чыгарышкан.

Азыркы тапта Ак-Сайда абал туруктуу. Элге түшүндүрүү иштери жүргүзүлүп жатат.

Эске салсак, 22-июлда Ак-Сай (Кыргызстан) менен Ворух (Тажикстан) айылдарынын жашоочуларынын ортосунда чыр чыккан. Ворухтун тургундары кыштактын кире беришине флагшток орнотмокчу болушканда, аксайлыктар каршы чыккан. Кайым айтышуу учурунда тараптардын бири ок чыгарган.

Ал эми 23-июлда тажик тараптан эки ирет ок атылып, кыргызстандык чек арачылардын бирөө жаракат алган.

Шейшемби күнү кечинде чек арадагы абал тууралуу Кыргызстан менен Тажикстандын вице-премьер-министрлери Жеңиш Разаков жана Азим Иброхим сүйлөшүүлөрдү өткөрдү.

Тема:
Кыргыз-тажик чек арасындагы жаңжал (22)

Тема боюнча

Чек ара кызматы: Ак-Сайдагы кырдаал өзгөргөн жок
Элге түшүндүрөлү. Чек ара чыры боюнча кыргыз-тажик өкмөт өкүлдөрү сүйлөштү
Белгилер:
милиция, кыргыз-тажик чек арасы, Ак-Сай, ок атуу, чек ара, Баткен облусу

ЭҢ МААНИЛҮҮ