ОШ, 23-июл. — Sputnik. Ош шаарынын Навои көчөсүндөгү жаңы көпүрөнүн алдынан эркек кишинин сөөгү табылып, ал Кара-Кулжа районунун 31 жаштагы тургуну экендиги аныкталды. Бул тууралуу Ош шаардык ички иштер башкармалыгынын маалымат кызматынан кабарлашты.
Билдирүүгө ылайык, 22-июль күнү саат 20:50лөр чамасында Ош шаардык ооруканасынын Tез жардам кызматына жаңы салынган көпүрөнүн астында 30-35 жаштардагы азиат түспөлүндөгү адам жаткандыгы тууралуу маалымат түшкөн. Окуя болгон жерге шаардык милициянын ыкчам тергөө тобу барып, алгачкы кароо жүргүзүлгөн.
Маркумдун денесинде эч кандай жаракат болгон эмес.
Аталган факт Кылмыш жана жоруктардын бирдиктүү реестрине катталды. Учурда тиешелүү экспертизалар дайындалып, маркумдун эмнеден улам каза болгондугу аныкталууда.
