02:23 22 Үчтүн айы 2020
Түз эфир
  • USD69.7000
  • EUR77.3008
  • RUB1.1268
Окуялар
Кыскача шилтеме алуу
2019-жылдын башынан бери Кыргызстанда болгон жол кырсыктар (265)
299 0 0

Жабырлануучунун таанышынын айтымында, жигитти коюп кеткен аял кол тийбестиги бар экенин айтып унаадан чыкпай койгон.

БИШКЕК, 24-июн. — Sputnik. Бишкектеги университеттердин биринде АКШнын элчилигинде иштеген кызматкер 4-курстагы студентти коюп, окуя болгон жерден кетип калды. Бул тууралуу жабырлануучунун таанышы Nuraiym Aitkulova Facebook баракчасына жазды.

Анын айтымында, окуя 18-июнда болгон. Рулда АКШнын жараны бараткан. Кырсыктан кийин окуянын күбөсү унаасы менен аялды кууп жеткен.

"Аял транзиттик унаада баратканын жана кол тийбестиги бар экенин айтып сыртка чыкпай койду. 6-7 мүнөттөн кийин АКШнын аскер формасын кийген кишилер келди", — деди күбө.

Бишкектин Жол кыймылы коопсуздугун камсыздоо башкармалыгынан окуя болгонун ырасташты. Кырсык 18-июнь күнү саат 17.30дар чамасында Чыңгыз Айтматов проспектисинде болгон. Lexus RX350 үлгүсүндөгү унааны 51 жаштагы М.К. башкарып, түндүк тарапты көздөй бара жаткан. "Манас" кинотеатрынын каршысындагы жөө адамдар өтө турчу чийинге жеткенде 22 жаштагы М.Б. аттуу жигитти коюп кеткен. Кийин жабырлануучу ооруканага жеткирилген.

Факты Кылмыштардын жана жоруктардын бирдиктүү реестрине каттоого алынып, топтолгон материалдар Бишкек ШИИБдин тергөө бөлүмүнө жөнөтүлдү.

АКШнын элчилиги Sputnik Кыргызстан агенттигинин кабарчысына алардын кызматкери адамды коюп кеткенин ырастады.

"Жол кырсыктан кийин элчиликтин кызматкери унаасын жол четине токтотуп, окуя болгон жерде бийлик өкүлдөрү менен кошо болгон", — дешти элчиликтен.

Ошондой эле элчиликтин өкүлдөрү маселени чечүү үчүн жигит менен байланышка чыгышканын айтышты.

Тема:
2019-жылдын башынан бери Кыргызстанда болгон жол кырсыктар (265)

Тема боюнча

Учура айдаган айдоочу эки дубалды сүздү. Кырсыктын видеосу
Белгилер:
милиция, кырсык, студент, Бишкек

ЭҢ МААНИЛҮҮ