БИШКЕК, 7-июн. — Sputnik. Сокулук районунун Новопавловка айылында 3-июнда өспүрүмдүн сөөгү табылды. Бул тууралуу Чүй ОИИБден билдиришти.
Милиция кызматкерлери анын сөөгүн асылып турган жеринен табышкан.
ОИИБдин билдиришинче, маркум 17 жашта жана Сокулук районундагы мектептердин биринде 9-класста окуп келген.
Учурда окуянын бардык чоо-жайы аныкталууда. Факты Кылмыштар жана жоруктардын бирдиктүү реестрине катталып, Сокулук РИИБи тарабынан тийиштүү экспертизалар дайындалган.
