БИШКЕК, 20-май — Sputnik. Сокулук районундагы айылдардын биринде 32 жаштагы Л.Н. аттуу жаранга бычак сайып кетишкен. Бул тууралуу Чүй облустук ички иштер башкы башкармалыгынан кабарлашты.
Маалыматка караганда, үстүбүздөгү жылдын 20-апрелинде Сокулук райондук ички иштер бөлүмүнө аймактык ооруканага бычак жеген киши тууралуу билдирүү түшкөн.
"Жабырлануучу укук коргоочуларга 20-апрелде түнкү саат 23.00дөр чамасында белгисиз аял анын үйүнө келип бычак сайып кеткенин билдирген. Факты Кылмыштар жана жоруктар жөнүндөгү бирдиктүү реестрге Кылмыш жаза кодексинин 39-130-беренеси (адам өлтүрүүгө аракет жасоо) менен каттоого алынган", — деп айтылат маалыматта.
Укук коргоочулар шектүү катары 29 жаштагы Д.Р. аттуу аялды колго түшүрдү. Милиция окуянын чоо-жайын териштирип жатат.
