01:59 20 Аяк оона 2019
Түз эфир
  • USD69.8488
  • EUR77.2458
  • RUB1.0877
Вид с дрона на пожар на нефтебазе по улице Шерматова в Джалал-Абаде

Мунай базанын жанынан эки миң киши эвакуацияланды. Өрттүн асмандан көрүнүшү

© Фото / пресс-служба мэрии города Джалал-Абад
Окуялар
Кыскача шилтеме алуу
Жалал-Абад шаарындагы мунай базада чыккан өрт (11)
1102 0 0

Өрт өчүрүүчүлөр төрт сааттан бери тилсиз жоо менен кармашууда.

БИШКЕК, 10-май. — Sputnik. Жалал-Абад шаарында күйүп жаткан мунай базанын жанында жашаган эки миңдей тургун эвакуацияланды. Бул туурасында ӨКМден билдиришти.

Посмотреть эту публикацию в Instagram

Публикация от zakirsaliev (@zakirsal2061)

Өрт өчүрүүчүлөр төрт сааттан бери тилсиз жоо менен күрөшүүдө. Жалын чектөөгө алына элек. Кырсык болгон жерге Жалал-Абад шаарынын мэри Мураталы Тагаев да барган. 

"Азыркы учурда шаардык өрт өчүрүү кызматынын 8 автоунаасы үзгүлтүксүз иш алып барууда. Андан тышкары, шаардык суу канал башкармалыгынан, жашылдандыруу чарбасынан, аэропорттон, Сузак районунан кошумча техникалар тартылды. Калаа мэри Мураталы Тагаев баш болуп, тийиштүү кызматтар күчөтүлгөн тартипте иш алып барып жатат. Тегерек чети 1 чакырым алыстыктан курчоого алынган. Жакын жашаган үйлөрдүн жашоочулары эвакуацияланды", — деп билдиришти мэриядан.

Күбөлөрдүн айтымына караганда, турак жайлар менен күйүп жаткан мунай базанын аралыгы 500 метрдей.

Өрт бүгүн, 10-майда, саат 10:00дөр чамасында чыккан. Жалынды өчүрүүгө сегиз унаа тартылган. Кырсыктын кесепетинен бир өрт өчүрүүчү жана мунай базанын кызматкери жаракат алып ооруканага жеткирилди. Базанын ээси саясатчы Камчыбек Ташиевдин бир тууганы Казыбек Ташиев экени белгилүү болду.

Тема:
Жалал-Абад шаарындагы мунай базада чыккан өрт (11)

Тема боюнча

Жалал-Абадда күйүп жаткан мунай базасы саясатчынын бир тууганына таандык
ӨКМ мунай базадагы өрттү көбүк менен өчүрүп жатат. Жаңы сүрөт, видео
Белгилер:
эвакуация, Мунай, Өрт, Жалал-Абад

ЭҢ МААНИЛҮҮ