21:13 16 Теке 2019
Түз эфир
  • USD69.5663
  • EUR78.2308
  • RUB1.1075
Вещи изъятые у подозреваемых во взломах банкоматов в Бишкеке

Банкоматтардан 9 млн. сом уурдап кетти делген эки кишиге соттун чечими чыкты

© Фото / пресс-служба МВД
Окуялар
Кыскача шилтеме алуу
26910

Шектүүлөр Нарын, Талас, Ысык-Көл жана Оштогу банкоматтарды тоногондугу белгилүү болду.

БИШКЕК, 24-апр. — Sputnik. Кыргызстандагы банкоматтардан жалпы жонунан 9 миллион сом уурдап кетти деген шек менен кармалган эки киши Араван райондук сотунун чечими менен эки айга камакка алынды. Бул тууралуу Ош облустук милициясынын маалымат катчысы Жеңиш Аширбаев билдирди.

Подозреваемые во взломах банкоматов и краже денег
© Фото / пресс-служба МВД
Банкоматтарды талкалап акча уурдоого шектелгендер

Анын айтымында, шектүүлөр Араван райондук милиция бөлүмүнүн убактылуу кармоочу жайына киргизилген.

Эскерте кетсек, кылмыш Нарын, Талас, Ысык-Көл жана Ош облустарында өткөн жылдын декабрынан быйылкы жылдын апрелине чейин жасалып келген. 9 миллион сомдук зыян келтирди делген топтун мүчөлөрү 23-апрелде колго түшүрүлдү.

Бишкекте кармалган 30 жаштагы шектүүнүн унаасынан 990 000 сом табылган. Анын буга чейин соттолуп чыкканы маалым болду. Ал эми 34 жаштагы экинчи шектүү атайын операциянын натыйжасында Кара-Балтадан колго түшүрүлгөн.

Изъятые вещи у задержанных по подозрению во взломах банкоматов и краже денег
© Фото / пресс-служба МВД
Тинтүү учурунда шектүүлөрдөн табылган буюм-тайымдар

"Шектүү жигиттердин жашаган турак жайын тинтүүдө атайын кызматтар пайдаланган баасы 280 миң рублдик жабдуу, эки даана ноутбук, ок атуучу курал, аталган кылмыш ишин жасаган учурда кийген кийимдери жана башка буюмдар алынган", — деп айтылат маалыматта.

ИИМдин маалыматы боюнча кармалгандардын төмөнкү кылмыштарга да түз тиешеси бар:

2018-жылдын 12-декабрына караган түнү белгисиз адамдар Таластагы жергиликтүү бийлик отурган имаратка кирип, сейфти талкалап 31 миң сом алып кетишкен. Аны менен бирге "Бакай Банк" ААКка тиешелүү банкоматтын арт жагын ачып, 801 миң сомду уурдап кетишкен;

2019-жылдын 2-февралында Ысык-Көл облусунун Кызыл-Суу айылындагы "РСК Банк" ААКтын банкоматын алып кетүүгө аракет кылышкан (келтирилген зыян болжол менен миллион сомго чамалап барат);

10-февралдын түнүндө Ош облусунун Араван районунда кинотеатрдын дубалына бекитилген "Кыргызстан" коммерциялык банкы" ААКтын банкоматын талкалап, 900 миң сом алып кетишкен;

3-мартта Ош шаарындагы филармонияда орнотулган "Кыргызстан" коммерциялык банкы" ААКтын банкоматын талкалап, 1,5 миллион сомдон ашуун акча алып кетишкен;

12-апрелге караган түнү Нарын драма театрына коюлган "Кыргызстан" коммерциялык банкы" ААКтын банкоматын талкалап, 2,4 миллион сомду уурдап кетишсе, ошол эле маалда KICB ЖЧКсынын банкоматынан 350 миң сом алып кетишкен.

Ушу тапта укук коргоо органдары дагы эки кишини издеп жатат:

О.С., Чүй облусунун Жайыл районунда 1991-жылы 12-апрелде туулган, буга чейин бир нече ирет соттолгон;

Ж.К., Чүй облусунун Жайыл районунда 1988-жылы 11-мартта туулган, буга чейин бир жолу соттолгон.

Разыскиваемые по подозрению во взломах банкоматов и краже денег
© Фото / пресс-служба МВД
Издөөгө алынган шектүүлөр

Милиция изделип жаткандар тууралуу кабары барлардан (0312) 26-62-61, (0558) 91-91-99, (0704) 82-48-80 телефондору аркылуу байланышууну өтүнөт.

Тема боюнча

Мавлянов: банкоматтардын эң арзаны 10 миң доллар турат
Белгилер:
уурулук, акча, банкомат, Талас, Нарын, Ысык-Көл, Ош

ЭҢ МААНИЛҮҮ