БИШКЕК, 8-фев. — Sputnik. Жалал-Абадда террордук ячейка түзүүнү пландап жүргөн 30 жаштагы чет элдик жаран кармалды. Бул тууралуу УКМКдан кабарлашты.
Билдирмеге караганда, шектүү Борбор Азиядагы өлкөлөрдүн биринин жараны болуп эсептелет. Ал өз жеринде террордук багыттагы жана башка оор кылмыштарды жасаганы үчүн издөөдө жүрөт.
"Шектүү Кыргызстандын чек арасын мыйзамсыз негизде кесип өтүп, террордук ячейка түзүүнү пландап жүргөн", — деп айтылат маалыматта.
Учурда шектүү менен байланышы бар тараптарды аныктоо үчүн комплекстүү иш-чаралар аткарылып жатат.
