Баткенге тойго келген беш өзбекстандык жаран жол кырсыктан каза болду

© AFP / JOHANNES EISELEАвтоунаа. Архив
Автоунаа. Архив - Sputnik Кыргызстан
Жазылуу
Көз жумгандар Өзбекстандын Риштон районунун тургундары экени такталды.

ОШ, 29-янв. – Sputnik. Баткен районунда эки унаа кагышып, кырсыктын кесепетинен Өзбекстандын беш жараны каза болду. Бул тууралуу Баткен облустук Жол кыймылы коопсуздугун камсыздоо бөлүмүнүн өкүлү Чолпон Арстанбеков билдирди.

Анын айтымында, каргашалуу окуя кечээ, 28-январда, саат 20:30дар чамасында Ош — Исфана жолунун 207-чакырымында болгон.

"Өзбекстандын Фергана облусунун 52 жаштагы жашоочусу Daewoo Nexia үлгүсүндөгү унаасы менен Ош шаарын көздөй келе жаткан. Ал рулду башкара албай калып, каршы тилкеде келе жаткан Mercedes-Benz автосу менен кагышып кеткен", — деди Арстанбеков.

ДТП в селе Каратай - Sputnik Кыргызстан
Ошто унаа бакты сүзүп, чачырап кетти. Кырсыктын сүрөттөрү
Алдын ала маалыматтар боюнча Mercedes-Benz үлгүсүндөгү унаанын 26 жаштагы айдоочусу Ош шаарынан Баткенди көздөй келе жаткан.

"Кырсыктын кесепетинен Daewoo Nexia үлгүсүндөгү унаанын ичиндеги беш адам каза болгон. Ал эми экинчи унаадагы айдоочу менен жүргүнчү жаракат алып, ооруканага жеткирилген", — деди Арстанбеков.

Каза болгондор Өзбекстандын Риштон районунун тургундары экени такталды. Алар Баткен шаарына тойго келип, кайра үйүн көздөй кайтканда кырсыкташкан.

Маркумдардын сөөктөрү Өзбекстандан келген туугандарына өткөрүп берилди.

Жаңылыктар түрмөгү
0