БИШКЕК, 29-янв. — Sputnik. Баткен облусунун аймагында очогунда күчү 3,5 баллга жеткен жер титирөө катталганын Сейсмология институтуна таянуу менен ӨКМ билдирди.
Маалыматка ылайык, жер 29-январь күнү саат 12.16лар чамасында силкинген.
Жер титирөө Кадамжай районунун Жаны-Жер айылында 3 баллга, Кадамжай районунун Сары-Өтөк, Кыргыз-Кыштак, Кара-Тумшук, Кайтпас айылдарында 2,5 баллга чейин сезилген.
Алдын ала маалымат боюнча жер титирөөдөн жабыркагандар жана кыйроолор катталган жок.
