Чек арадагы атышуу боюнча ЖК депутаты Урмат Самаев сурак берип чыкты

© Фото / пресс-служба Жогорку КенешаДепутат Урмат Самаевдин архивдик сүрөтү
Депутат Урмат Самаевдин архивдик сүрөтү - Sputnik Кыргызстан
Жазылуу
Айрым маалыматтарга караганда, чек ара бекетиндеги атышууга бир нече контрабандачы менен ЖК депутаты да катышкан.

БИШКЕК, 29-янв. — Sputnik. "Токмок" (Дунларов атындагы) көзөмөл-өткөрүү пунктунда болгон атышууга Жогорку Кеңештин депутаты Урмат Самаев катышкан деген маалымат ЖМКларга чыккандан кийин эл өкүлү сурак берди. Бул туурасында Чүй ОИИБдин начальниги Самат Курманкулов билдирди.

Буга чейин аталган жерде 26-декабрда түнкү саат 03.00дөр чамасында атышуу болгондугу туурасында маалымат чыккан. Айрым маалыматтарга караганда, окуяга бир нече контрабандачы менен ЖК депутаты да катышкан.

"Биз өткөрмө бекеттин видео байкоосуна тартылган видеолорду карап чыкканыбызда депутат Урмат Самаев көрүнгөн жок. Бирок ЖМКга чыккан маалымат боюнча ишемби күнү Токмок РИИБге депутат да чакырылып сурак берди. Андан "тиешеңиз барбы, сиздин балдарыңыз жаңжал уюштурдубу, мыйзамсыз товарлар сизге тиешелүүбү" деп сураганбызда эч кандай тиешеси жоктугун айтты", — деди Самаев.

Временно исполняющий обязанности начальника ГУВД Бишкека Самат Курманкулов - Sputnik Кыргызстан
Чүй милициясынын башчысы Токмоктогу атышууну ЖМКдан билгенине уялды. Видео
Мындан сырткары, ал ушул иш боюнча Токмок шаардык кеңештин депутаты Кубанычбек Кочкорбаев да сурак бергенин кошумчалады.

Ал эми Чүй облустук милициясынын тергөө бөлүмүнүн жетекчиси Улан Жукенов атышуунун кесепетинен алган жаракаттарын көрсөтүп жарыялаган видеодогу адам да суракка чакырылганын билдирди. Ал видеодо башынан, бутунан жана белинен жаракат алганын көрсөтүп жаткан.

"Видеодогу киши мурда күбө катары сурак берген. Бирок азыркы учурда анын кайсы жерде жүргөнү белгисиз. Атышууга күбө катары сурак берген дагы бир киши 29-январда түндө көкүрөк тушка ок жегенин айтып ооруканага келгени боюнча маалымат түшкөн. Ооруканага кайрылган Асхат деген адам видеого өзүнүн алган жараатын көрсөтүп, аны бир топ адам токмоктоп, бирөө атып салганын айтты", — деп билдирди Жукенов.

Учурда Асхат аттуу кишиге издөө жарыяланып, сотко чейинки териштирүү иштери жүрүп жатат.

Жаңылыктар түрмөгү
0