00:11 23 Үчтүн айы 2019
Түз эфир
  • USD69.7394
  • EUR79.2414
  • RUB1.0479
Бишкектен чыгып Тегеранда кулаган учак

Иранда кыйраган учак боюнча кыргыз өкмөтү үн катты

© AFP 2019 / HASAN SHIRVANI / MIZAN NEWS
Окуялар
Кыскача шилтеме алуу
Бишкектен чыгып Иранда кулаган учак (7)
114210

Учакка Бишкектен май куюлган эмес. Boeing 707 учагын "Манас" аэропортунан "Манас хендлинг" компаниясы тейлеген.

БИШКЕК, 14-янв. — Sputnik. Мамлекеттик чек ара кызматынын маалыматы боюнча Boeing 707 учагы Бишкекке Таиланддан бош учуп келип, койдун этин жүктөп алып кайта учуп кеткен. Бул тууралуу өкмөттөн билдиришти.

Ал эми Жарандык авиациянын маалымдашынча, Boeing 707 учагы Ирандын аскер аба күчтөрүнө таандык болгон. 13-январда "Манас" аэропортуна пландалгандан бир сааттай кечигип конгон. Жергиликтүү убакыт боюнча саат 22:35те конушу керек болсо, аэропортко 23:10до конгон. 14-январда эртең менен 45 мүнөттөй кечигип учкан. План боюнча саат 06:30 деп белгиленсе, аба кемеси 07:16да учуп кеткен.

"Кыргызстандын аба мейкиндигин колдонуу жана "Манас" аэропортуна конуу уруксаты 2019-жылдын 12-январында берилген", — деп айтылат маалыматта.

Учакка Бишкектен май куюлган эмес. Boeing 707 учагын "Манас" аэропортунан "Манас хендлинг" компаниясы тейлеген. Самолеттун 16 экипажынын бирөө аял болгону айтылды.

Press TV телеканалынын маалыматы боюнча учактын ичинде 16 киши болгон. Кырсык кесепетинен самолеттун инженери гана аман калды. Ал эми Fars агенттиги учак кулаган аймактын жашоочуларынын тагдыры азырынча белгисиз экенин жазды.

Бүгүн саат 7.16да Бишкектен учуп чыккан жүк ташуучу учак Тегерандан алыс эмес Карадж шаарындагы "Пайам" аэропортуна конмок. Бирок учкуч адашып ошол эле шаардагы "Фатх" аба майданына конмок болгон. Рулга ээ боло албай, учуп-конуу тилкесинен чыгып кеткен да, эл жашаган аймакка кирип кеткен. Ушу тапта окуя болгон жерде бир тик учкуч, 10 өрт өчүрүүчү машина, бир тез жардам унаасы иштеп жатат.

Тема:
Бишкектен чыгып Иранда кулаган учак (7)

Тема боюнча

Иранда кыйраган учакта кыргызстандыктар бар беле? Аэропорттун жообу
Бишкектен Иранга баратып кулаган учак эмне ташып баратканы айтылды. Сүрөт
Белгилер:
өкмөт, учак, "Манас" эл аралык аэропорту, Иран
Колдонуу эрежелериПикирлер

ЭҢ МААНИЛҮҮ