Жасалма паспорт алып Кыргызстандан Казакстанга бараткан түркиялыктар кармалды

© Пресс-служба правительства / Сабыр АильчиевСитуация на контрольно-пропускном пункте "Акжол автодорожный" на границе КР и РК
Ситуация на контрольно-пропускном пункте Акжол автодорожный на границе КР и РК - Sputnik Кыргызстан
Жазылуу
Чек арадан кармалган Түркиянын жаранын УКМКга өткөрүп беришкен.

БИШКЕК, 12-янв. — Sputnik. Кыргызстандын "Ак Жол" чек ара өткөрмө пунктунан 11-январда жасалма паспорт менен Казакстанга чыгып кетүүгө аракет кылган Түркиянын үч жараны кармалды. Бул туурасында Чек ара кызматынан билдиришти.

Маалыматта алар Кыргызстанга өздөрүнүн мыйзамдуу паспорту менен киргени айтылат.

"Көзөмөл бекетинен өтүп жатканда чет элдик жарандар Түркиянын атайын кызматтык паспортун көрсөтүшкөн. Бирок чек арачылар ал документтери жасалма экенин байкаган. Тыкыр текшерүүдөн кийин алар жасалма паспортторун мыйзамдаштыруу үчүн өлкөдөн чыгып кетүүгө аракет кылганы аныкталды", — деп айтылат маалыматта.

Мындан ары териштирүү иштерин жүргүзүү үчүн кармалгандар УКМКнын аймактык бөлүмүнүн кызматкерлерине өткөрүп берилген.

Жаңылыктар түрмөгү
0