БИШКЕК, 4-дек. — Sputnik. Лейлектин Өзгөрүш айылындагы үйүнөн 29-ноябрда чыгып, ошондон бери дайынсыз болуп жаткан 48 жаштагы тургундун сөөгү табылганын ӨКМ билдирди.
Буга чейин маркумдун Бужум жайлоосунун Ак-Таш жайытына жылкы издеп кеткени айтылган. Анын дайынсыз болуп жатканы тууралуу ӨКМге 2-декабрда маалымдалып, издөөгө 25 куткаруучу тартылган.
3-декабрда саат 18.00дөрдө аталган жайлоодон маркумдун сөөгү табылып, туугандарына өткөрүп берилди.
