10:14 14 Бештин айы 2018
Түз эфир
  • USD69.8447
  • EUR79.5147
  • RUB1.0542
Жалал-Абаддын Чаткал районуна караштуу Чакмак-Суу айылында эски мектеп, азыркы бала бакча өрттөнүп кетти. Анын ичинде сакталган мектептин архивдик материалдары менен окуу китептери толугу менен күйүп кетти

Чаткалда эски мектеп өрттөнүп, окуучулар китепсиз калды. Сүрөт

© Фото / Нургазы Рысалиев
Окуялар
Кыскача шилтеме алуу
691 0 0

Өрт чыккан имарат 2016-жылга чейин мектеп болгон. Кийин жаңы корпус курулгандыктан бала бакчага айланган. Бирок мектептин китепканасы жаңы корпуска көчүрүлгөн эмес.

БИШКЕК, 13-окт. — Sputnik. Жалал-Абаддын Чаткал районуна караштуу Чакмак-Суу айылында эски мектеп, азыркы бала бакча өрттөнүп кетти. Анын ичинде сакталган мектептин архивдик материалдары менен окуу китептери толугу менен күйүп кетти. Бул туурасында Sputnik Кыргызстан агенттигине "Чакмак-Суу" орто мектебинин окуу бөлүмүнүн башчысы Нургазы Рысалиев билдирди.

  • Жалал-Абаддын Чаткал районуна караштуу Чакмак-Суу айылында эски мектеп, азыркы бала бакча өрттөнүп кетти. Анын ичинде сакталган мектептин архивдик материалдары менен окуу китептери толугу менен күйүп кетти
    Жалал-Абаддын Чаткал районуна караштуу Чакмак-Суу айылында эски мектеп, азыркы бала бакча өрттөнүп кетти. Анын ичинде сакталган мектептин архивдик материалдары менен окуу китептери толугу менен күйүп кетти
    © Фото / Нургазы Рысалиев
  • Өрт 11-октябрга караган түнү саат 00.05дер чамасында чыккан
    Өрт 11-октябрга караган түнү саат 00.05дер чамасында чыккан
    © Фото / Нургазы Рысалиев
  • Алдын ала маалыматтар боюнча жалын электр зымдарынын тийишүүсүнөн улам тутанып кеткен.
    Алдын ала маалыматтар боюнча жалын электр зымдарынын тийишүүсүнөн улам тутанып кеткен.
    © Фото / Нургазы Рысалиев
1 / 3
© Фото / Нургазы Рысалиев
Жалал-Абаддын Чаткал районуна караштуу Чакмак-Суу айылында эски мектеп, азыркы бала бакча өрттөнүп кетти. Анын ичинде сакталган мектептин архивдик материалдары менен окуу китептери толугу менен күйүп кетти

Анын айтымында, өрт 11-октябрга караган түнү саат 00.05дер чамасында чыккан. Алдын ала маалыматтар боюнча жалын электр зымдарынын тийишүүсүнөн улам тутанып кеткен.

"Бала бакча фин тибинде курулгандыктан заматта эч нерсеси калбай фундаментине чейин күйүп кетти. Жалпы жонунан 70 бала тарбияланып жаткан, 15-октябрдан тарта дагы 15 наристени кабыл алууну пландаганбыз. Бул имарат мурда мектеп болчу, 2016-жылы жаңы корпус курулгандыктан аны бала бакчага айландырганбыз. Мектептин архивдик материалдары, китепканасы, кампасы ушул жерде болгон. Баары күйүп кетип эч нерсе калган жок. Өрт өчүрүүчүлөр келгенге чейин жалын күчөп кетип өчүрө алышпады. Бул боюнча райондук билим берүү бөлүмүнө билдирүү жибергенбиз", — деди Рысалиев.

Ал ошондой эле окуучулардын баарына китеп берилип бүтпөгөндүктөн мындан ары окуу куралдарына муктаждык жарала турганын белгиледи.

Эми китеп маселеси кандай чечилери белгисиз.

Тема боюнча

Ысык-Көлдөгү мектептин кампасындагы 80 тонна көмүр күйүп кетти
"Супара" этно комплексинин өрттөн кийинки көрүнүшү. Видео
Белгилер:
китепкана, мектеп, бала бакча, Өрт, Чаткал
Колдонуу эрежелериПикирлер

ЭҢ МААНИЛҮҮ