БИШКЕК, 8-авг. — Sputnik. Кыргызстанда саат 23:17де магнитудасы 4.7 ге жеткен жер титирөө болду. Бул туурасында Еропалык жер ортолук сейсмологиялык борбор (EMSC) билдирди.
Сейсмологиялык борбордун маалыматына караганда, жер алдындагы силкинүү 7-августта жергиликтүү саат 23.17де болгон.
Анын чордону Таш-Көмүр шаарынан чыгышты көздөй 33, Базар-Коргон районунан түндүктү көздөй 42 жана Жалал-Абаддан түндүк-батышты көздөй 62 чакырым аралыкта жайгашкандыгы айтылды.
Силкинүүнүн очогу жердин 10 чакырым тереңдикте жайгашканы айтылды.
