00:09 11 Бештин айы 2019
Түз эфир
  • USD69.8488
  • EUR77.3471
  • RUB1.0986
Күч көрсөтүү. Архивдик сүрөт

Сокулукта аялын жана анын эки баласын сабап салган киши кармалды

© Sputnik / Табылды Кадырбеков
Окуялар
Кыскача шилтеме алуу
638 0 0

Окуя дүйшөмбү күнү болгон.

БИШКЕК, 5-июн. — Sputnik. Чүйдүн Сокулук районунда эркек киши аялы менен анын биринчи турмушунан төрөлгөн беш жана эки жаштагы эки баласын сабап салган. Бул тууралуу Чүй ОИИБ кабарлады.

Маалыматка ылайык, милицияга билдирүү аймактык ооруканадан 4-июнда саат 21.00дө түшкөн.

"Милициянын ыкчам тобу ооруканага жөнөп жаткан маалда бөлүмгө 24 жаштагы келин келип, күйөөсү ур-токмокко алганын айтты. Ал сабалган эки баланын энеси болуп чыкты", — дешти милициядан.

Аялдын айтымында, болжол менен саат 20.00дө мас болуп келген күйөөсү ага кол көтөрө баштаган. Келин балдарга тийбейт деген ой менен аларды таштап качып чыккан.

Маалыматта келинчеги чыгып кеткенден кийин 36 жаштагы үй ээси эки жана беш жаштагы эки наристени сабай баштаганы айтылат. Муну көргөн коңшулар милиция менен тез жардам чакырышкан.

Жабыркаган келин балдарынын да сабалганын милиция бөлүмүнөн билген, ушу тапта алар Сокулуктун аймактык ооруканасында. Бардык тиешелүү соттук-медициналык экспертизалар дайындалды. Ал эми эркек киши окуянын чоо-жайы такталмайынча милиция бөлүмүндө болмокчу. Андан кийин анын аракетине юридикалык баа берилет.

Тема боюнча

Ысык-Атада өзүнөн 23 жаш кичүү аялын өлтүрүүгө шектелип эркек киши кармалды
Москвада мурдагы аялын токмоктоп, зордуктап жүргөн кыргызстандык кармалды
Белгилер:
оорукана, милиция, бала, Сокулук, Чүй облусу

ЭҢ МААНИЛҮҮ