Суу кечип өткөн! Шадиев Кыргызстандан качан, кантип чыгып кеткенинин чоо-жайы

© Фото / пресс-служба ЖКДепутат ЖК Аскарбек Шадиев
Депутат ЖК Аскарбек Шадиев - Sputnik Кыргызстан
Жазылуу
УКМК Шадиев тергөө органдарынан качып жүргөндүктөн издөөгө алынганын маалымдаган болчу.

БИШКЕК, 1-июн. — Sputnik. Мурдагы биринчи вице-премьер Аскарбек Шадиев ага кылмыш иши козголгондон кийин 28-апрелде Хожент — Москва каттамы менен учуп кеткени аныкталды. Андан ары дипломаттык паспорту менен Нью-Йорк шаарына кеткен. Бул тууралуу Улуттук коопсуздук мамлекеттик комитети билдирди.

Ага ылайык, 27-апрелде Шадиев Баткен облусунун Исфана шаарындагы тууганынын зыйнатына барып, андан ары Лейлек районунун Арка айылынан сууну кечип кыргыз-тажик чек арасын мыйзамсыз кесип өткөн.

"Шадиевдин жакындарынын айтымында, ал дарыланууга кетип, бир-эки жуманын ичинде кайтып келет. Бирок Шадиев азыркыга чейин тергөө органдарынан жашынып жүргөндүктөн издөөгө алынды", — деп айтылат маалыматта.

Депутат ЖК Аскарбек Шадиев - Sputnik Кыргызстан
Үй, унаа, фирмалар. Шадиевдин УКМК камакка алган мүлкүнүн тизмеси жарыяланды
Эске салсак, апрель айынын соңунда Башкы прокуратура Жогорку Кеңештин депутаты, мурунку биринчи вице-премьер Аскарбек Шадиевге карата Кылмыш жаза кодексинин "Кызматынан кыянаттык менен пайдалануу" беренеси боюнча кылмыш ишин козгогон.

Ошондой эле Бишкек шаардык Биринчи Май райондук соту анын баш коргоо чарасын карап, камакка алуу өкүмүн чыгарган.

Жакында эле УКМК Шадиев менен жакын тууганынын мүлкүн камакка алганын жар салды. Кеп бир нече батир менен турак үй жана 12 компаниядагы үлүш тууралуу болууда. 

Жаңылыктар түрмөгү
0