14:26 16 Тогуздун айы 2019
Түз эфир
  • USD69.8396
  • EUR77.0051
  • RUB1.0869
Жер көчкү. Архив

Баткен району: Сай айылына жер көчүп, 350 кожолук суусуз калды

© Фото / пресс-служба МЧС КР
Окуялар
Кыскача шилтеме алуу
13901

Тазалоо иштери менен райондун Жарандык коргонуу комиссиясы алектенет

БИШКЕК, 19-апр. — Sputnik. Баткен районундагы Сай айылынан бир чакырым алыстыктагы тоонун боорунан көлөмү 45 000 метр куб жер көчкү 18-апрелде саат 23:20лар чамасында түшкөн. Бул тууралуу ӨКМдин маалымат кызматы билдирди.

Ага ылайык, көчкү Сай айылына келүүчү сугат каналынын 130 метр аралыгын жана тоо башында жайгашкан уюлдук компаниянын телефон антенасына баруучу жолдун 150 метр аралыгын басып калган.

"Учурда Сай айылына баруучу ичүүчү суу жана сугат суу менен камсыз кылуучу каналдан суу токтогон. Сай айылында 350 кожолук бар", — деп айтылат маалыматта.

Тазалоо иштери менен райондун Жарандык коргонуу комиссиясы алектенет. Жер көчкү боюнча кошумча маалымат берилет деп ӨКМдин маалымат кызматы сөз берди.

Тема боюнча

Өзгөндө Кара-Дарыя ташып, турак үйлөр кооптуулукта калды
Белгилер:
Жер көчкү, ӨКМ, Баткен облусу

ЭҢ МААНИЛҮҮ