23:57 22 Аяк оона 2018
Түз эфир
  • USD68.8080
  • EUR81.1487
  • RUB1.0386
Союл. Архивдик сүрөт

Кара-Балтанын кафесинде барымтага алынгандар. Милиция окуянын чоо-жайын айтты

© Sputnik / Владимир Астапкович
Окуялар
Кыскача шилтеме алуу
87210

Окуя 4-мартка караган түнү болуп, эки дос бала кафеде жаңжал чыгарган.

БИШКЕК, 13-мар. — Sputnik. Чүйдүн Кара-Балта шаарында бир нече киши кафеге келгендерди бычак менен коркутуп барымтага алышкан. Анын ичинде ички иштер бөлүмүнүн кызматкери да болгонун Facebook социалдык тармагынын колдонуучусу жарыялады.

Ал ошондой эле милиция бул окуяны жаап-жашырууга аракет кылып жатканын кошумчалады.

Чүй облустук ИИББдин маалымат кызматы 3-марттан 4-мартка караган түнү болгон окуянын чоо-жайын маалымдады.

"Досунун үйлөнүү тоюнан чыккан эки бала Кара-Балта шаарындагы көңүл ачуучу жайлардын бирине келген. Алар музыкадан улам бири-бири менен айтыша кеткен. Бирөө бычакка окшогон узундугу 30 сантиметр болгон желим нерсени алып, досун саям деп коркуткан. Эс алуу жайындагыларга эч ким тийишкен эмес, эч ким барымтага алынган эмес", — деп милициядан билдиришти.

Кафедегилердин бирөө аларды көчөгө алып чыгып ажыраткан. Айтыша кеткен досторду ажыраткан милиция кызматкери экени текшерүү учурунда аныкталды. Кармалган жарандар милиция менен тааныш эместигин айтышкан.

Чүй облустук ИИББдин маалымат кызматы билдиргендей, кармалгандардын бири-бирине эч кандай доосу жок. Ишти Чүй облусунун Жайыл РИИБи карап жатат. Балдарды ажыраткан милицияга карага Чүй ОИИББи кызматтык тергөө жүргүзүүдө.

Тема боюнча

Түн ичинде үйгө ууруга кирген делип 25 жаштагы эки кыз кармалды
Ала-Букада чек арачы ок жаңылып каза тапты
Белгилер:
мушташ, милиция, Facebook, Чүй облусу
Колдонуу эрежелериПикирлер

ЭҢ МААНИЛҮҮ