04:05 22 Жетинин айы 2019
Түз эфир
  • USD69.8500
  • EUR77.4357
  • RUB1.0941
Түрмөдө илинген кийим. Архивдик сүрөт

Депкир менен сабалган ымыркайдын энеси "бейбашчылык" беренеси менен айыпталууда

© AP Photo / Felipe Dana
Окуялар
Кыскача шилтеме алуу
Депкир менен сабалган бала (14)
19510

Тергөө тобу экспертизанын жыйынтыгын күтүп жатат

БИШКЕК, 21-фев. — Sputnik. Депкир менен сабалып комага түшүп көз жумган баланын апасына козголгон кылмыш иши өзгөртүлө элек. Буга соттук-медициналык экспертизанын жыйынтыктарынын чыга электиги себеп болууда. Бул тууралуу Sputnik Кыргызстан агенттигине Ош ШИИБден билдиришти.

Ош шаарында 24 жаштагы өз энеси депкир менен сабаган 3 жаштагы бала эс-учун жоготуп, облустук балдар ооруканасынын жандандырууу бөлүмүнө келип түшкөн. Бул фактынын негизинде шектүү катары баланын энеси шаардык милиция тарабынан кармалып, убактылуу кармоочу жайга камакка алынган. 11-февраль күнү саат 18:30дар чамасында бала өзүнө келбей каза болгон. Анын сөөгүн туугандары алуудан баш тарткандыктан соцкызматкерлер жерге берген.

Факты боюнча Кылмыш жаза кодексинин 234-беренеси (бейбашчылык) боюнча кылмыш иши козголгон. Бирок 12-февралда шаардык ИИБ кылмыш иши 97-беренеге (адам өлтүрүү) өзгөртүлгөнүн маалымдаган. Бүгүнкү күндө берене азырынча өзгөртүлбөй, мурдагы бойдон экени тастыкталды.

"Учурда экспертиза жүргүзүлүп жатат. Анын жыйынтыгы менен өлүмдүн себеби аныкталат. Ошого ылайык кылмыш иши 104 (адамдын ден соолугуна атайылап залака тийгизүү) же 97-берене (адам өлтүрүү) боюнча кылмыш иши козголот. Эки кылмыш тең оор деп эсептелгендиктен айыпталуучу 12 жылдан 25 жылга чейин эркинен ажырашы мүмкүн", — деп ШИИБден билдиришти.

Ведомстводон маалымдашкандай, экспертизанын жыйынтыктары 1-2 айда белгилүү болот. Каза болгон ымыркайдын энеси учурда убактылуу кармоочу жайда кармалууда.

Тема:
Депкир менен сабалган бала (14)

Тема боюнча

Апасы депкир менен сабаган бала өзүнө келбей ооруканада чарчап калды
Апасы сабап ооруканада чарчаган баланы соцкызматкерлер жерге берди
Баласын депкир менен сабаган келиндин сурак берүү учуру. Видео
Белгилер:
берене, экспертиза, кылмыш, Ош

ЭҢ МААНИЛҮҮ