20:01 14 Баш оона 2018
Түз эфир
  • USD69.2500
  • EUR78.8515
  • RUB1.0374
Бөбөктү кармаган киши. Архивдик сүрөт

Маршрутка сүзгөн келиндин жолдошу: кызым эмчек издеп жатат

© AFP 2018 / ARMEND NIMANI
Окуялар
Кыскача шилтеме алуу
Таалайгүл Усенбаева
1024220

9-февралда Бишкек шаарында үрөй учурган жол кырсыгы катталган. Анда Элебесов көчөсүндө жөө жүргүнчүлөр өтүүчү жайдан ак түстөгү кичи автобус эне-баланы сүзүп кетип, апасы ошол жерден көз жуумп, наристе аман калган.

Каргашалуу кырсыктан эмчектеги наристе энесинен гана эмес, бир бутунан да ажырады. Чүрпөнүн учурдагы абалынан кабар алганча Sputnik Кыргызстан агенттиги каза болгон келиндин жолдошу менен да байланышты.

Ажалга аз калганда…

34 жаштагы Жазгүл Өмүрбекова ал күнү 1 жаш 8 айлык кызы Жумайымды көтөрүп алып жолдун аркы өйүзүнө өтөм деп турганда аны ак түстөгү кичи автобустун айдоочусу сүзгөн. Үрөй учурган окуя видеокөзөмөлгө түшүп калган. Ымыркай аман калганы эменен энеси ошол жерден мүрт кеткен. 

© предоставленное очевидцем видео с камеры наблюдения
Өлүмгө чейинки секундалар. Кызын көтөрүп бараткан келинди бус коюп кетти

Эмчек издеген наристе

Эки жашка чыга элек Жумайым катуу жаракат алгандыктан дарыгерлер анын бир бутун кесип салууга аргасыз болушкан. №3 балдар ооруканасынын башкы дарыгери Талантбек Өмүрбековдун айтымында, учурда наристенин абалы туруктуу. 

34-летняя Жазгул Омурбекова, погибшая в дтп с дочерью Жумайым и мужем Жыргал Чотоновым
© Фото / предоставлено Жыргалом Чотоновым
Маршрутка сүзүп кеткен келин жолдошу Жыргал жана 1,8 жаштагы кызы Жумайым менен

"Кыз бизге 9-февраль күнү түшөөрү менен операция жасалды. Анын бутун сактап калууга аракет кылдык, бирок бир буту үзүлүп, сөөктөрү бырчаланып кетиптир. Операцияны кийин протез салууга ылайыктап жасадык. Бирок протез салынаар-салынбасын азыр так айта албайбыз. Ымыркай азыр реанимациядан палатага которулду", — деди Өмүрбеков.

Келиндин жолдошу Жыргал Чотоновдун учурда бир буту үйдө болсо, бир буту ооруканада. Жалгыз кызынын тезирээк сакайып кетишин Кудайдан тилеп отурган чагы.

"Келинчегимди туулган жери Аксы районуна коюп келдик. Кудай боору ооруганбы, кызым жок дегенде аман калыптыр. Жалгыз балабыз болчу. Аны азыр өзүмдүн 56 жаштагы апам кароодо. Ага болбой "апалап" энесинин эмчегин издеп ыйлап жатат. Мени болсо тааныбай койду. Байкушум, бир буту жок, апасыз калганын азыр түшүнө да элек…", — деп жашыды Жыргал.

Чотонов Бишкекте батирде турат, үй-бүлөсүн тигүү цехинде иштеп бакчу.

"Бишкекке Баткенден 2005-жылдары эле келгенбиз. Ортодо үч жыл жубайым экөөбүз тең Россияга барып иштеп келдик. Кызым ошол жактан төрөлгөн. Жазгүл болсо бала менен үйдө эле болчу. Бир жакка бараарда мага айтып койчу, ал күнү сыртка чыгарын кеп деле кылган эмес. Кырсык экен, аны арабыздан алып кетти, кызым экөөбүз жалгыз калдык", — деди Чотонов.

Кырсыктын күнөөкөрү

Ал ортодо Бишкек милициясы эне-баланы коюп кеткен айдоочу камакка алынганын кабарлады. Маалыматка ылайык, айдоочуга 281-берененин экинчи бөлүгү (жабырлануучунун өлүмүнө алып келген жол эрежесин бузуу) боюнча айып тагылган. Ал эми кыздын атасы Жыргал Чотонов учурда кырсыктын күнөөкөрү тарабынан материалдык жардам берилип жатканын кошумчалады.

Ылайым энени баладан, баланы энеден ажыратпасын. Бирок бул дүйнөдө баланы аябаган канкор да аялдар бар экен.

Тема боюнча

Өлүмгө чейинки секундалар. Кызын көтөрүп бараткан келинди бус коюп кетти
Бишкекте унаа коюп кеткен аял каза таап, колундагы бөбөк ооруканага түштү
Кызын көтөрүп бараткан келинди сүзгөн унаанын айдоочусу камакка алынды
Белгилер:
наристелер, жол кырсыгы, Бишкек
Колдонуу эрежелериПикирлер

ЭҢ МААНИЛҮҮ