ЖАЛАЛ-АБАД, 11-янв. — Sputnik. Сузак районунун Ынтымак айылында Mersedes Benz жана Matiz унаалары кагышып, бир жүргүнчү каза болду, мындан тышкары, төрт адам ооруканада оор абалда жатат. Бул маалыматты облустук милициядан тастыкташты.
Маалыматка ылайык, окуя 10-январь күнү саат 18:00дөр чамасында катталган.
"Жалал-Абад — Октябрь" багытындагы жүргүнчү ташуучу Mersedes Benz унаасы менен Matiz унаасы Ынтымак айылынын Көгарт көчөсүндө кагылышып кеткен. Кырсыктын кесепетинен 5 адам ооруканага кайрылган", — деп айтылат маалыматта.
"38 жаштагы киши ооруканада каза болду. Үч жүргүнчү жандандыруу бөлүмүндө болсо, эки жүргүнчү нейрохирургия бөлүмүндө жатат. Учурда абалдары оор", — деди Карабаев.
Облустук милиция учурда кырсыктын келип чыгуу себеби иликтөөгө алынып, тиешелүү экспертиза дайындалгандыгын кошумчалады.
