08:22 04 Чын Куран 2020
Түз эфир
  • USD84.8713
  • EUR91.6483
  • RUB1.0978
Окуялар
Кыскача шилтеме алуу
205001

Окуя болгон маалда экөө тең мас болгон

БИШКЕК, 10-янв. — Sputnik. Ош шаарында кызганычтан аялын сабап өлтүрүүгө шектелип жарандык никеде жашаган күйөөсү кармалганын шаардык милиция билдирди.

Маалыматка ылайык, 41 жаштагы аялдын киши колдуу болуп каза тапканы тууралуу билдирүү 9-январь күнү келип түшкөн. Ош шаардык ички иштер башкармалыгынын ыкчам-иликтөө тобу окуя болгон жерге барып, келин алган соккудан көз жумганын аныктаган.

"Маркумдун төрт кабыргасы сынып, баш сөөгү жарылган. Иликтөө иштеринин натыйжасында 9-январда кылмышка шектелип аялдын акыркы убакта жарандык никеде жашаган 41 жаштагы күйөөсү кармалды", — деп айтылат билдирүүдө.

Шектүү өз көрсөтмөсүндө 7-январь күнү келинди кызганычтан улам катуу сабап үйдөн чыгып кеткен бойдон кайтып келбегенин айтып берген. Окуя болгон маалда экөө тең мас болгон.

Учурда аталган факты боюнча "Адам өлтүрүү" беренеси менен кылмыш иши козголуп, шектүү жаран Ош шаардык ички иштер башкармалыгынын убактылуу кармоочу жайына киргизилди.

Тема боюнча

Бишкекте күйөөсүн өлтүрдү делген аял кош бойлуу экени аныкталды
Ошто мас кыз энесин бычактап салды
Белгилер:
кызганыч, кылмыш, адам өлтүрүү, Ош

ЭҢ МААНИЛҮҮ