10:53 22 Тогуздун айы 2019
Түз эфир
  • USD69.7890
  • EUR77.9334
  • RUB1.0945
Депутат Зиядин Жамалдиновдун архивдик сүрөту

Жогорку Кеңештин депутатынын үйүнөн 2 курал уурдалды

© Sputnik / Табылды Кадырбеков
Окуялар
Кыскача шилтеме алуу
26701

Окуя 1-3-январь аралыгында болгон

ОШ, 8-дек. — Sputnik. Жогорку Кеңештин депутаты Зиядин Жамалдиновдун Ноокат районундагы Жал айылында жайгашкан үйүнөн эки даана ок атуучу курал уурдалган. Бул тууралуу облустук милициянын маалымат катчысы Жанна Сатарбаева Sputnik Кыргызстан агенттигине билдирди.

Анын айтымында, окуя 1-3-январь аралыгында болгон.

"Депутаттын үйүнө белгисиз жарандар терезе аркылуу кирип, бир даана сайлуу жана бир даана сайсыз куралды уурдап кетишкен. Куралдардын уруксат кагазы бар", — деди Сатарбаева.

Жамалдиновдун үйүнө көз салып турган бир тууган агасы курал уурдалгандыгы боюнча милицияга арыз менен кайрылган. Анын негизинде Кылмыш жаза кодексинин 164-беренеси (уурулук) боюнча кылмыш иши козголду.

Учурда Ноокат райондук ички иштер бөлүмү териштирүү иштерин жүргүзүп жатат.

Тема боюнча

200 норка шубасын уурдаткан хабаровскилик аял сызга отуруп кала жаздады
Белгилер:
милиция, курал, депутат, Зиядин Жамалдинов, Ноокат

ЭҢ МААНИЛҮҮ