БИШКЕК, 15-дек. — Sputnik. Жалал-Абад шаарынын Жамашев көчөсүндө жайгашкан 50 чарчы метрлик турак үй толугу менен күйүп, кожейкеси каза болгонун ӨКМ билдирди.
Маалыматка ылайык, үй ээсинин 67 жашта экени белгилүү болду. Анын сөөгүн окуя болгон жерге барган куткаруучулар алып чыгышкан. Жанындагы күйүк алган эркек кишини Тез жардам кызматкерлери ооруканага алып кетишкен. Аты-жөнү такталып жатканы айтылууда.
Учурда өрттүн себептери иликтенип жатат.
