Кара-Сууда киши сүзүп изин жашырган айдоочу Алайдан колго түштү

CC BY-SA 2.0 / Mark Ou / _1080425Уголовное ответственность на нарушение ПДД
Уголовное ответственность на нарушение ПДД - Sputnik Кыргызстан
Жазылуу
Кармалган айдоочу Алай районундагы Гүлчө айылынын 49 жаштагы жашоочусу экендиги аныкталды. Ал шок абалында жабырлануучуга жардам бербей качып кеткендигин айткан.

ОШ, 21-ноя. — Sputnik. Кара-Суу районундагы Катта-Талдык айыл округунан 47 жаштагы эркек кишини өлтүрө сүзүп, окуя болгон жерден качып кеткен айдоочу колго түшүрүлдү. Бул тууралуу облустук Кайгуул милициясынын маалымат катчысы Айбек Бечелов Sputnik Кыргызстан агенттигине билдирди.

Анын айтымында, облустук Кайгуул милициясы жана Кылмыш иликтөө бөлүмүнүн кызматкерлери жүргүзгөн ыкчам иш-чаралардын жүрүшүндө Алай районундагы Гүлчө айылынын 49 жаштагы тургуну кармалган.

"Анын Mersedes Benz-230 үлгүсүндөгү унаасы айып короого киргизилди. Кармалган айдоочу Катта-Талдык айыл округунда жол боюнда бараткан эркек кишини коюп кеткендигин жана шок абалында эмне кыларын билбей, жабырлануучуга жардам бербестен качып кеткендигин мойнуна алды", — деди Бечелов.

Ал ошондой эле учурда бул факты боюнча териштирүү жүрүп жатканын, ал эми милицияга каза болгон жарандын жакындары айдоочунун үстүнөн арыз менен кайрыла электигин кошумчалады.

ДТП в КР - Sputnik Кыргызстан
Ошто унаа сүзүп каза тапкан адамдын тек-жайы такталды
Эскерте кетсек, 17-ноябрда болжол менен 22:00дөр чамасында Кара-Суу районундагы Катта-Талдык айыл округунда белгисиз эркек кишини унаа сүзүп кетип, каза болгон. Айдоочу изин жашырып кеткендиктен Кайгуул милициясы издөө жарыялаган. Каза болгон жаран Кара-Суу районунун Кашкар-Кыштак айыл өкмөтүнө караштуу Алгабас айылынын тургуну экендиги аныкталып, анын сөөгү жакындарына өткөрүп берилген.

Кырсык болгон жерден Mersedes Benz автоунаасынын эмблемасы жана фарасынын сыныктары табылган.

Жаңылыктар түрмөгү
0