04:54 21 Жетинин айы 2017
Түз эфир
Милиция кызматкерлери. Архивдик сүрөт

Кочкордо бир күндө ар кайсы жерден табылган үч сөөктүн чоо-жайы аныкталды

© Sputnik / Табылды Кадырбеков
Окуялар
Кыскача шилтеме алуу
4175 0 0

Төө этектеринен сөөгү табылгандардын экөө эркек, бирөө аял киши болгон

БИШКЕК, 15-ноя. — Sputnik. Кочкор районунун тоо этектеринен сөөгү табылган үч кишинин экөө дайынсыз жоголуп изделип жаткан. Бул туурасында Нарын ОИИББдин маалымат кызматы билдирди.

Белгилей кетсек, кечээ, 14-ноябрда белгисиз адамдардын сөөгү табылгандыгы туурасында милицияга кабарланып, аларды ӨКМдин куткаруучулары алып чыгышкан.

"Сары-Булак айылындагы тоо боорунан белгисиз адамдын сөөгүнүн калдыктары табылды. Анын эркек экени жана Кочкордун Ормон хан айылында жашаганы аныкталды. Маркум 2013-жылдын апрель айынан бери дайынсыз болуп изделип жаткан. Ал эми Орто-Токой суусунан сөөгү табылган жаран дагы ушул жылдын 8-октябрынан бери кабарсыз болуп издөөгө алынган. Ал 35-40 жаштар чамасындагы эркек болчу. Ушул райондун Кочкор айылынын тургуну болгон", — деп айтылат маалыматта.

Жогоруда белгилеген эки адамдын сөөгү туугандарына өткөрүп берилген.

Ал эми Теңдик айылынын Жылуу-Суу тилкесиндеги суу жээгинен сөөгү табылган жаран болжол менен 40-45 жаштагы аял. Учурда анын ким экени такталып жатат.

Ошондой эле аталган фактылар боюнча атайын экспертиза дайындалып, иликтөө иштери жүрүп жатканы айтылды.

Тема боюнча

Сокулукта плита түшкөн үйдө каза болгон келин жаңы келген. Кырсыктын чоо-жайы
Кочкордун тоо этектеринен бир күндө 3 адамдын сөөгү табылды
Белгилер:
жоголуу, сөөк, милиция, Нарын
Колдонуу эрежелериПикирлер

ЭҢ МААНИЛҮҮ