БИШКЕК, 23-окт. — Sputnik. Талас районундагы Чоң-Токой менен Арал айылдарынын ортосунда болгон жол кырсыгы эки адамдын өмүрүн алганын ӨКМ билдирди.
22 Тогуздун айы 2017, 14:47
Маалыматка ылайык, 22-октябрь күнү Honda CR-V менен Volkswagen унаалары кагышып, экинчи машинанын 59 жаштагы айдоочусу менен бир жүргүнчүсү каза болгон. Дагы эки киши жабыркаган. Ал эми Honda CR-V унаасын айдап бараткан адам соккудан улам кыпчылып калган.
Окуя болгон жерге барган куткаруучулар машина ичиндегилерди сыртка чыгарып, набыт болгондордун сөөгүн алып чыгып беришкен. Жабырлануучулар ооруканада.
