16:25 24 Аяк оона 2017
Түз эфир
Ымыркайлар. Архив

Уйку бузган эгиздерди өлтүрүп, муздаткычта кармашкан. Алматыдагы окуянын чоо-жайы

© AP Photo / Felipe Dana
Окуялар
Кыскача шилтеме алуу
4189 0 0

Казакстанда тартип коргоо органдарынын кызматкерлери ташбоорлук менен өлтүрүлгөн эгиздердин ишин иликтеп жатат. Кармалгандар бул кылыгы үчүн өкүнгөн деле эмес.

БИШКЕК, 15-сен. — Sputnik. Алматыдагы киреге алынган батирлердин биринде эгиз бөбөктөрдүн сөөгү табылган. Кылмышка шектелип алардын энеси менен аялдын үстүнө кирип жашап жаткан эркек кармалгандыгын Sputnik Казакстан жазды.

Жансыз балдар 11-сентябрда Алматынын Түрксиб районунда табылып, полиция наристелерди жарыкка алып келген Алла Волченко жана аны менен жашаган өзбекстандык 29 жаштагы жаранды кармаган.

Алматынын Ички иштер департаментинин маалыматында алардын жарандык никеде тургандыгы, утурумдук жумуш менен жан багып, ичип тургандыгы маалымдалган. Балдар качан өлтүрүлгөндүгүн жана анын себебин полиция тактап жатат. Тартип сактоочулар наристелердин сөөгү муздаткычта 3-4 күн жатып калгандыгын айтууда. Сыртынан караганда алардын муунтулгандай түрү бар.

Полиция эгиздер жарыкка бир жыл мурда келгендигин, 12-июлда төрөлгөндүгүн аныктаган. Алардан башка үйдө дагы бир бала болгон.

"Дал ошол күнү "Саамал" кичирайонунда кичинекей бала табылып, өзү туурасында эч нерсе айта алган эмес. Тартип коргоочулар дароо ювеналдык полицияга чыгышкан. Ал Волченконун улуу баласы болуп чыккан", — деп айтылат маалыматта.

Аял менен бирге жашаган эркек балдардын атасы экендигин айтып, ишендиргенге аракет кылган. Полициянын маалыматында, алар бир аз соолуккандан кийин балдарды эмне үчүн өлтүрүп салгандыгын айтып беришкен. Эркек-аялдын айтымында, балдар жаагын баспай ыйлаган, киши "чарчап, иштен келгенден кийин эс алып укташы керек" экен.

Волченко жана эркек киши камакка алынып, аларга эки берене боюнча айып тагылууда. Бири адам өлтүрүү, ал эми экинчиси баланы кооптуулукка калтыруу.

Полициядан кармалгандар соолуккандан кийин деле бул кылыгы үчүн өкүнбөгөндүгүн айтышкан.

Ал эми эгиздердин тирүү калган агасы учурда калаадагы балдардын №2 ооруканасында жаткандыгы белгилүү болду.

Тема боюнча

Татарстандын борборунда 23 жаштагы кыргызстандык жигитти өлтүрүп кетишти
Кыргызстандагы соттор эмне менен алек? Августтагы ооз ачырган 9 окуя
Белгилер:
эгиз, кылмыш, бала, полиция

ЭҢ МААНИЛҮҮ