Ноокенде аялдарды тоноого шектелген киши кармалды

© Sputnik / Табылды КадырбековАкча каражаттары жана бычак. Архив
Акча каражаттары жана бычак. Архив - Sputnik Кыргызстан
Жазылуу
Жалал-Абад облусунун милициясы бир нече жолу уурулук кылууга шектелген адамды кармады

БИШКЕК, 11-сен. — Sputnik. Жалал-Абад облусунун милициясы Ноокен районунун аймагындагы бир катар уурулук фактыларын иликтөөгө алды. Бул тууралуу Sputnik Кыргызстан агенттигинин кабарчысына аймактык ИИБден билдиришти.

© Фото / пресс-служба УВД Джалал-Абадской областиШектүү жаран
Серия грабежей на территории Ноокенского района - Sputnik Кыргызстан
Шектүү жаран

Маалыматка караганда, 4-сентябрь күнү эртең менен бейтааныш адам 25 жаштагы кызга кол салып, уюлдук телефонун жана тогуз миң сомун тартып алган. Кийинки эле күнү 35 жаштагы аялдын үйүнө ууру кирип, коркутуу жолу менен анын 10 миң сомдук уюлдук аппаратын тартып алган.

Бул фактылар боюнча кылмыш иши козголуп, шектүү катары 39 жаштагы адам кармалды. Ал буга чейин кесилгени аныкталып, соттун чечими менен убактылуу кармоочу жайга киргизилди.

"Учурда шектүүнүн башка кылмыштарга тийиштиги бар-жогу тергелип жатат", — деп маалымат кызматынан билдиришти.

Бул адамдан жабыркагандар болсо (03734) 5-00-59 номери аркылуу байланышса болот.

Жаңылыктар түрмөгү
0