Ош: кемпирин өлтүрүүгө шектелген аксакалдын акыл-эси жайында эмес деп табылды

© Sputnik / Табылды КадырбековБишкекский дом-интернат для престарелых
Бишкекский дом-интернат для престарелых - Sputnik Кыргызстан
Жазылуу
Кармалган шектүү эми Жалал-Абад облусунун Кызыл-Жар айылындагы республикалык психиатриялык ооруканага дарыланууга жөнөтүлөт.

ОШ, 8-сен. Sputnik. Соттук-медициналык экспертизанын бүтүмүнө ылайык 79 жаштагы байбичесин өлтүрүүгө шектелип камакка алынган 83 жаштагы аксакалдын акыл-эси жайында эмес деп табылды. Бул тууралуу Ош облустук сотунун маалымат катчысы Бекзат Осмонкулов Sputnik Кыргызстан агенттигине билдирди. 

© Фото / Зульфия ТургуноваӨлтүрүүгө шектелип камакка алынган 83 жаштагы аксакал
83-летний подозреваемый в убийстве женщины - Sputnik Кыргызстан
Өлтүрүүгө шектелип камакка алынган 83 жаштагы аксакал

Кармалган шектүү эми Жалал-Абад облусунун Кызыл-Жар айылындагы республикалык психиатриялык ооруканага дарыланууга жөнөтүлөт.

"Ош шаардык соту Кылмыш-процессуалдык кодексиндеги 29-берененин 2-бөлүмүнүн негизинде кылмыш ишти токтотту. Тергөө иштеринин жүрүшүндө атайын түзүлгөн комиссия 1934-жылы туулган жаран кылган ишине толугу менен жооп бере албайт, акыл-эсинен жабыркайт деген чечим чыгарган", — деди Осмонкулов.

Случаи нападения с ножом в КР - Sputnik Кыргызстан
Базар-Коргондо аялын бычактап салган киши асынып өлдү
Эске сала кетсек, 2017-жылдын 14-июлунда саат 18:40 чамасында Жапалак айылынын Аттокуров көчөсүндө пенсия курагындагы аял канга боёлуп жаткандыгы тууралуу шаардык милиция бөлүмүнө маалымат келип түшкөн. Ал 1938-жылы туулган жаран экени белгилүү болгон. Кылмышка шектелип жабырлануучунун 83 жаштагы абышкасы кармалып, камакка алынган. Ал мас абалында кемпири менен айтыша кетип "мал-жанды убагында карап, чөп-суусун берип койбойсуңбу" деп столдун үстүндөгү бычак менен кулак түпкө сайып жибергенин айткан. Кансыраган жубайы үйүнүн алдына кулап, ошол жерден көз жумган.

Экспертизанын алгачкы корутундусу шектүү киши кылмыш учурунда мас экени аныктаган.

Жубайлар 1956-жылы баш кошуп, эки уул, төрт кызды тарбиялашкан. Неберелери бар.

Жаңылыктар түрмөгү
0