БИШКЕК, 2-сен. — Sputnik. Бишкек шаарында 50 жаштагы кишини өлтүрүүгө шектелген жаран кармалды. Бул тууралуу Sputnik Кыргызстан агенттигинин кабарчысына милициядагы өздүк булактар билдирди.
Маалыматка ылайык, 2-сентябрга караган түнү борбор калаадагы үйлөрдүн биринде кылмышка шектүүнүн жүргөндүгү туурасында укук коргоо органдарына кабалашкан.
“Милицияга шектүү жарандын достору телефон чалган. Ал колго түшүрүлүп адам өлтүргөндүгүн мойнуна алды”, — деп айтылат билдирүүдө.
“Ал маркумду темир таякча менен уруп өлтүргөн соң шаар четине алып барып көөмүп койгон. Учурда каза болгон кишинин сөөгү изделүүдө. Шектүүгө карата тергөө иштери жүрүп жатат”, — деди милициядагы өздүк булак.
Алдын ала маалыматтар боюнча кылмышка шектелип жаткан жаран буга чейин беш жолу соттолгон.
