БИШКЕК, 31-авг. — Sputnik. Мал уурулук менен алектенип жүргөн топ колго түшүрүлдү. Бул тууралуу Ош облустук милициясынын маалымат катчысы Жеңиш Ашырбаев билдирди.
Анын айтымында, Кара-Суу районунун 45 жаштагы жашоочусу 2017-жылдын 16-июлунда төрт баш малын белгисиз бирөөлөр уурдап кеткенин айтып арыз менен кайрылган.
"Бул факты боюнча Кылмыш жаза кодексинин №165-беренесинин (мал уурулук) негизинде кылмыш иши козголгон. Ыкчам-иликтөө иш-чараларынын жүрүшүндө Ош шаарынын 29 жана 19 жаштагы тургундары бул кылмышка шектүү катары кармалган. Алар убактылуу кармоочу жайга киргизилди", — деди Ашырбаев.
Учурда тергөө иштери улантылып жатат.
