Садыр Жапаровдун мародерчулукка шектелген жардамчысы төрт жылдан кийин кармалды

© Sputnik / Владимир Песня / Медиабанкка өтүүАбак. Архив
Абак. Архив - Sputnik Кыргызстан
Жазылуу
Колго түшүрүлгөн Оторбаев тергөө аяктаганга чейин УКМКнын убактылуу кармоо жайында болот.

БИШКЕК, 1-июн. — Sputnik. Улуттук коопсуздук мамлекеттик комитети 2017-жылы 22-майда төрт жылдан бери издөөдө жүргөн 38 жаштагы Тимур Оторбаевди кармады. Бул тууралуу мекеменин маалымат кызматы билдирди.

Ал Кылмыш жаза кодексинин кыймылсыз мүлктү, имаратты жана курулушту өзүм билемдик менен басып алуу, документтерди жасалмалоо жана алдамчылык беренелери боюнча айыпталып, издөөдө жүргөн.

Президент Алмазбек Атамбаев принял председателя ГКНБ Абдиля Сегизбаева - Sputnik Кыргызстан
Абдил Сегизбаев президентке УКМК эмне кылып жатканын айтып берди
"Оторбаев 2010-жылы 7-апрель окуяларынан кийин "Ата Мекен" фракциясынын мурдагы депутаты Туратбек Мадылбековдун уулу Элдар Мадылбеков жана Тимур Назаркулов (учурда издөөдө) аттуу кишилер менен Киев көчөсү, 74 дарегиндеги Максим Бакиевге таандык имаратты басып алууга катышкан. Андан сырткары, Алексей Елисеевге таандык үйдү 11 сотых жери менен өзүнө мыйзамсыз каттатып алган. Ошондой эле алдамчылык жолу менен Бишкекте жайгашкан имарат менен курулуштарды сатып жиберген", — деп айтылат маалыматта.

22-майда Биринчи Май райондук сотунун өкүмү менен Оторбаев тергөө аяктаганга чейин УКМКнын убактылуу кармоо жайында болмокчу.

УКМКнын билдиришинче Оторбаев буга чейин Коррупциянын алдын алуу боюнча улуттук агенттикте иштеген жана мурдагы депутат Садыр Жапаровдун жардамчысы болгон.

Жаңылыктар түрмөгү
0