20:55 17 Тогуздун айы 2017
Түз эфир
Банкоматтын жанында турган адам. Архив

Кантта банкоматты талкалаган чет өлкөлүккө жазаны күчөтүү талап кылынууда

© Sputnik / Табылды Кадырбеков
Окуялар
Кыскача шилтеме алуу
143 0 0

Чет өлкөлүк жаран кылган кылмышы үчүн алты жылга эркинен ажыратылган. Бирок облустук сот жаза мөөнөтүн үч жылга кыскартып койгон. Прокуратура даттануусун Жогорку сотко жөнөттү.

БИШКЕК, 19-апр. — Sputnik. Чүй облустук прокуратурасы Жогорку сотко Молдованын соттолгон жараны боюнча көзөмөл сунуштамасын жибергендиги тууралуу Башкы прокуратуранын маалымат кызматынан билдирди.

Маалыматка караганда ал Кант шаарындагы банкоматты талкалаган. Молдованын жараны былтыркы жылдын 30-сентябрында Валера аттуу адам менен алдын ала сүйлөшүп, Бишкекке келген. Буларга "Хакер" деген каймана аты бар жаран дагы жардам берген.

1-октябрь күнү Кант шаарына барып, соода борборлорунун бириндеги банкоматты талкалашкан. Анын ичинен 460 миң сом жоголгон. Чет өлкөлүк ошол эле жерден Ысык-Ата районунун милициясы тарабынан кармалган.

13-январь күнү Ысык-Ата райондук соту аны күнөөлүү деп таап, алты жылга эркинен ажыраткан. Бирок Чүй облустук соту чет өлкөлүк жарандын ишин Кылмыш жана жаза кодексинин 164-беренесине (Турак-жайга же башка сактоочу жайга мыйзамсыз кирүү менен уурулукка баруу) которуп, жаза мөөнөтүн үч жылга кыскарткан.

Эми прокуратура өкүмдү даттануу үчүн Жогорку сотко көзөмөл сунуштамасын жөнөттү.

Тема боюнча

Банк кыргызстандыктардын картасынан акча уурдалышы боюнча үн катты
Эксперт: хакерлердин банкоматка койгон чабуулу көйгөйдүн башы гана
Белгилер:
банкомат, жаран, өкүм, сот, прокуратура

ЭҢ МААНИЛҮҮ